Kanu sinah Cakuat bite

Dear;  Ka Nu"

Kanu a langlo tlangthong dan in na sinah cakuat tawite ka rak țial. Khawizei in dah thawk ninglaw a țhat lai ti ka hngal lo. A sunglawituk mi tuni bantuk Mother Day nicaan ah dam tein le lawm tein na kanphak pi caah na fale kan i lawmtuk. Cun a sunglawituk"" saupi in nunpi kan zuam rih mu. Keizong nan thlacampiak nak thawngin ka dam i ka řian zong a tlamtling. Nai kan chawnh ahkhan kan ngaihnak hna le, thawngpang hna cu khu le phak in kan i ruah ko cang nain hi cakuat bite chungzong hin kan ngaihnak hna cu catlang pakhat bantuk ah serin vun langhter țhan ka duh.

Nan um ve lonak vawlei i ka len chung cu nifatin in kan ngai peng ko hna, a chelcaan phone cungin na awthlum te ka theih caan zongah khin kan ngaithiam ko hna. Nan pawng teah ka um ve locun a kan ngai pengti kha rak thei ko u mu. Kan ngaituk hna. Nai kan chawnh ahkhan keicu ka dam nain na pa balte a dam țhathi lo na rak ka ti i ka lung a rak tha lotuk nain atu cu a damtuk cang ti thawngzong nangmah na hmurka tein ka theih țhan i kai lawmtuk kapa cungzong ah.

Kanu na kan dawtnak hi ka theih a rak tlaituk hi ruangah a voikhatnak ah ngaithiam nawl hmasa kan duh. Nafa ka hmurka in kanu kan dawttuk timi bia theih khi na caah a sunglawi tuk ve lai ticu ka hngalh ko nain cu bia cu na fa ka hmurka in zeitik hmanh ah a rakchuak kho lo, ti?. Atu" hi ka cakuat bite chunghin "Kanu kan dawttuk tiin langhter ka duh, Kan dawttuk ko Kanu, kan dawttuk ti pin zeitin langhter ning daan ka thiam lo.

Kanu  zeitluk nan har zong le nan awlok a chawn caan zongah na fa ka lungretheih lai na ka sian lo caah hmurka thlum tein kan i ningcang ko tiah lih na rak ka chimh kha! Ka nu, nangcu a ka hringtu kanu na si bang ka nun cu na kut ah a um, na caah a nungding ka si.  Na  harnak hna cu na fa kei sin ahhin  thup hrim ti hlah mu.

Kanu kan hngakchiat lio i innkhan pakhat chung teah kan chung tein kan ih ți hnakha ka philh lo. Zaan thawngpang a daihdih cang hnu zongah i hngilh thimthi loin na fale caah saduh na thah i kan lu cungah na kutchuang in ding tein na chuak mi ik aw he Pathian sinah thla na rak kan cam piak kha. Atu tiang ka hnathlam ah an thang ko rih Kanu. Na fale caah na tuh țheitha kan i tlai piakkhawh lomi cungah kan lung a tha hrim lo Kanu. Na hnukthlum dorkhat man hmanh kan cham khawh lo lioah kan caah thlacam cu na daithlang hlei lo ti. Fale caah na thlenti na thlet  i saduhthah lianpi na ngei rih ko ti, na lung a dong hrim lo ti. Na dawtnak hi vawlei thil le ri mansung zongza hna zongin chamkhawh um lailo ti. Cham khawh lomi na dawtnak can ah kalu hmanh khi hlo ninglaw cu nih cun a rulhkho hlei hnga lo.

Thla na cam

Kei ka dam

Hna a ngam

Na vel cu kei ka țhlam.

Kanu, phone kan i chawnhtawn caan i kan ngaituk Palung rak tlungcang ko mu kan harsat zongah na pa le keimah pawng teah na um ahcun ka hna a ngam lai i saupi zong kan i nunpi khawh deuh hna lai- hitin nifatin kanngaihnak ahhin kan chanzong a tawi deuh sual lai, vun tlung baibai ko mu tiin na ka ti tawn kha' na pawng teah umter i dawtkhawh chungin dawt dingah rak tlung ko na ka timi asi zong ka theih caah kai lawmtuk.. Zeitluk ka sual palh ko zongah zaangdam tein a ka ngaithiam kho tu cu kanu lawng na si. A tling lo bik le a chan baubik ka siko zongah hlawt a ka tim(siang)lomi dawtnak ngeitu na si.

Ka nu, nu vialte lakah kan chorkhun. Kanu na si caah kai lawm, na dawtmi nafa ka si caah kailawm khun. Keimah na ka hrin ruang fahnak zeizongza thih/nun hramah na dir ngam caah lawmhnak ka chim cawk lo i nuralțha na sinak Upat kan pek.  Niceu dawh te hmukho ve dingin na ka hrin caah kai lawm chinchin. Vawlei cung i keimah nu si dingah Pathian nih an ser caah Pathian ka thangțhat. Thise ramcaar i tiva te bang khin na kan dawtnak hna cu a sunglawi hringhran. Saupi in kan nunpi rih mu Kanu.

Kanu, Pathian nih lu-nun saunak i pe ko seh".Cun" hi cakuat na hmuh zaan, na mangah nangmah le kapa, keimah le kanau le tiin nuamsul in a hlan bang tlongleng ți hna u sih mu. Tuni hi zarhpini asinain pumh caan hmanh ngei loin rian ah kal a za hoi. Khah" ka nu țial ahcun țial ding a tam lengluang rih nain a caan ka ngeiti lo, hi vial hin sirih seh mu. 

Kan Dawttuk Kanu

  "Na Dawt___Na Fa"

8/5/2016, 4:24AM(Sunday)