Zaan Mang Tiangin A Kan Mirh Ter Tu

Tlaih awk tha loin a liam mi kum le caan hna sin ah kei zong Nupi ka ngei ve. Pathian nih ka hnakruh beu thlopnak dingah khaukhih cia in a ka chiah piak mi ka dawt he kan i thit umnak hi thlakhat a ti deuh rih lo, Pathian nih a fonh mi hna cu zeihmanh nih then hna hlahseh.




Kan pum a lawnkaan ko caah kan pahnih in rian kan tuan, kan rian tuannak bel ai dang, nu rian le pa rian cu ai khah awk tha lo cu mu. Kei electric rian ka tuan, ka dawt tu cu dawr hngah rian a tuan. Cuticun kan rian tuannak ai dang nain pumkhat kan si cangbang kan thinlung cu hmunkhat te ah rian an tuan ti ko. Kei le ka dawt hi kan thlanval/nungak lionak in hlah maw kan i duhdawt deuh mi ka lawhter, a rerengah i dawt deuh phung si cu mu. 1:00pm hrawng i ka ta thaithawh na ei cang maw? Kan ngaituk manh" a ti mi message ka hmuh caan ah hin cun zeitluk rian har kan tuan zongah ka ba kho lo, thabat ka thei lo. Dinh caan a phanh i ka dawt message ka rel nolh ah hin inn tlun lai rumro kai ngaih. Nupi nei cia kan U le nih cun Nupi naih a thawtnaam nan theih cio ko lai dah! Ka dawt hi keinak in a rian tin a tuan deuh mi asi caah ka tlun lai hi innka hram in a ka cuan tawn, rian in ka tin caan le ka dawt phone call ai tongpah tawn lengmangtawn.
"Ka ta inn na phan deng maw?
"Ka phandeng cuka cu ka phan.



Innka hram in a ka hngak mi ka dawt a panhtuk mi mithmai he a ka don i, a ka kuh, a ka reh kan ngaituk a ti pah in ka hmai ah (Aa Buah) a ka pek caan ah hin cun ka thabaat vialte an tlau i khawika an kal ka thei lo. Ka dawtnak vaa le tuammuai a thiam mi hi cu vawlei ah an sem hnga hme maw?Chungkhar vanram an timi hi mahi teh a si ko lai hi, Pathian sin ah voitam pi kai lawmhnak bia ka chim.



Kan i um tti nak hi kumpi kumkhat asi cangbang ka dawt nih fapa te ka hrinpiak. Kafa muihmai ka hmuh ko ah hin kai lawmhnak hi a ngan hringhran Pathian cung le ka dawt cungah.... Laitlang lei a pi nih a min ah (Van Cung Nuam) ai sak. A cheukhat nih CungCung anti a cheubaak nih Van Van tiah an auh. Kei le ka dawt bel nih cun" ThlumThlum Pi kan ti chel, LungLungpi kan ti chel, Dawtthlum pi kan ti chel in a um. Anu nih cun Dawtthlum pi tiin a auh tam deuh. Kei nih thlumthlum pi tiin ka auh a tam deuh ve. Zeitluk kan bat kan harsat ko zongah kan thlumthlum pi kan hmuh ah hin cun ka dawt he kan mirh zuai tawn lengmang. Fa ngei cia nih cun fa ngeih asun lawi zia cu theih cio asi ko cumu! A nei rih lo zongnih mitthlam in vun cuanh ah cun feeling cu a khah in khat ko cuh! A nuamh ningtluk in ka chimkho suallai lo, um rih seh.



Kan thlumthlum kumkhat a tling ve cang. A mawm(mom) thatthat, lamton i a hmu mi paoh nih cu tluk fa dawh le duh nun cu tiphun khin an kan zoh tawn. A cheukhat hawikom theih hngalh deuh nih cun, nulepa dawh hrat cu nan fa cu tamh cia bakin a chuak ko hih tiin a biang merh ta loin kaltaak cu an siarem cio lo. A cheu nih apa lei in a chuak ti na, acheu nih a hmur cu a nu hmur bak asi nain a mit cu apa mit he an i lo an ti tawn ah hin. Cawkthup in ser mi cuta asi cu ka hei ti tawn hna. Lamton a hmu mi paoh nih a comment lo te an um lo.

Ka dawt le kei zong CungCung nu/pa tiin a kan auh ve cang. Laitlang kha cu sisehlaw kan inn kut-kaa cungah Pu tiah tial asi ve cang hnga. Zeizongza hna lak ah a sungbik mi ro fapa sunglawi, zaanmang tiangin a kan mirh tertu kan thlumthlum a tah buin a Nu he an i awih caan ko ah hin lung a hmuikhun. Misic tang deuh vun chuah ko ah le laam a hei huam ning, Apa fa ciammaam ai hngalhnak ah. Inn chungkhar harsat tintuk ko zongah dawtnak a um ah cun antam fee hmanh a thaw an ti bang. Kan nih innchungkhar hi kan harsa ko nain, hawi mirum mi sikho hna nak in dawtnak ah kan rum. Pathian nih kan innchungkhar ah dawtnak a lenter, a kan humhak a kan tuammuai.  Pathian hi kan nih innchungkhar caah hin a tha khun i khurkhua a tuakkhun ko rua tiah ka ruah. Ka dawt cu fano he a si caah innchungkhar rian hmanh ai harh ngai, keimah tuan mite tu tuan cop ei cop in kan nung. Ka dawt nih ka thlumthlum pi le keimah a kan hmuh ah hin cun a mithmai a dur bel lo. Ka caah van hngaknu zongnih an tluk lomi cungcungnu a ka dawtnak ka ruah ah Pathian theo ka thangthat, asin ah lawmh loin ka um kho lo.


Note: Hi lenhloi hi keimah pumpaak ton mi siloin pawngkam innchungkhar Nu le Va ai daw mi hna tahchunh in tial mi asi. 
+++++++++++++++++++++++++++++±+±

                              "Zei Tin Dah  Nu Le Va Kan I Dawt Khawh Lai"

Vawlei cungah nu le va i theihthiam lonak in ai then mi hi an tam lengluang cang, cu caah nangle keinih kan Va maw kan Nupi zeitin dah kan dawt khawh ve hna lai i zeitin dah an lung kan tonkhawh hna lai, zeitin dah lungkhat tein rian kan tuan ti khawh lai i chungkhar nuam kan serkhawh lai.

   Na Va kha a thli rit zaanter awk tiangin cun na bawmh a herh lem lo, Nu a cheukhat nih cun an rian le an harnak ah direct in an bawmkho hna lo nain, an inn kha hnangam nak, dinhnak le thapek nak hmun ah an ser. Nan inn kha thianghlim tein tuah i zuam law na fale zongkha thianghlim te le penh tein umter khawh i zuam hna. Acheu nupi le cu va le lolam tluncaan hna ah khin manh lo ngai in le, fale zong zohkhenh lo thianhhlim loin an chiah hna tik ah, an vaa le nih an rian(lolam) tlun lai an i ngaihkho ti lo. Rian in a tin caan ah khan mithmai panh tein um i zuam law innka hram tiang dong, ma i nai manh lo lio asi sual ah cun na um hmun in na batuk maw ka dawt asiloah a hmai ah hnam(kiss) law na vapa cu nan inn a phak bak khan a thabat vialte a philh ko lai. Tahchunhnak ah, na vapa nih a baat nak kong an ceihpi(an ruah) tik ah, dawtnak le zaangfah nakin a bia va ngai. A riantuan nak i a hlawh tlintik ah a hlawh tlinnak cung i nai nuamh(lawmh)nak kha langhter. Hiti na tuah ah cun na Vaa riankha na bawmh ve asi ko lai. Cuti cun Vaa le zongnih kan Nupi le kha theihthiam khawh chungin theithiam hna usih, nu rian pa rian ti um loin kan innchungkhar ah khengtawl a herh zongah kan nupi le an i manh lo ah cun tuah(tuan)ve ding asi ko.