Chinram Ah Phlih Khawh Lo Ding Tuanbia Ai Tial
A hrum ai thawngnih lai hritlai u nau kan mitthli a kan tlakter
A ngan a fak hringhran ko kan chinram
Hliamh mi hmabang zeitin vun domh awk nih le tha hlah
Ruah ah lungthin a pit, semmawng le a nu riah run vai in an hram, innzaut sathil ar va tiangin riah run vai in an pam. 2015 july 21/31 cu kan chinram ah kan duh lo tuk mi tuanbia ai tial ni asi. Kan duh lo tuk mi tuanbia sihmanhseh law leilung hmunh chung phlihkhawh lomi tuanbia ah a canglan ko lai. Kan chinram cu Pathian nih a kan dawt i kan ram hliamhma a kan domh(tuam) kutput te he an kan zohkhenh, cucu Pathian kan i bochannak thawngin asi. Kan Chinram caah Pathian a tha hringhran ko, kan Chinram caah hin hlah maw khuazing hi khurkhua a tuak cem ko ti awk in. Kawlram fidi/filaw tiangnih a kan zohkhenh i hnemhnak bia thlumthlum an kan chimh/ruah lawng siloin anti khawhtawk in bawmh a kan zuam, mi innkip le dawr kip ah tlawm a kan hal piak. Pathian nih an thinlungchungah rian a tuan ti cu a fiang. Hihi puicimh kan tonmi hi zaanmang hmanh ah manh asi ballo, hmanhseh cucu a takin a cangmi asi fawn. Kan Chinram kan ruahphak lo tiangin a rawhral ko cu kan ngeih cu a chiatuk cio ko lai, ngaihchiat phungzong asi nain kan ngaihchiatnak nih asi cangmi thil cu zeiti hmanh in a remhkho hlei lo ti hi kan theih awk asi, lungcan ipe hna usih a tuar in zia thiam i zuam hna usih. Kokek puichimh kan ton mi hi laimi a kan funtom tu sisehlaw kan i dawtnak, kan i kilhkamh nak le kan i zawnruahnak langhter tu, hmai ah kan nawr chinkhawhnak ah kan thazaang sisehlaw lungfim nak ah hmang hna usih. A rawk cangmi thil cu a rawk cangko cu caah a rawkmi kha a hlawmtu si i zuam cio hna usih.
______________________________
Kokek Puicimh Kan Ton Hi Pathian Chiatserh A Si Maw?
Hi biahal nak hi online (maivan) cahmai chungah hmuh awk a tam ngai. Cu caah keimah nih ka hmuh ningin ka vun tial ve lai. Minung hi harnak kan tontik ah Pathian hi sual kan phawt tawn, cucu Pathian sual kan phawt cu a palh mi lak ah a palh taktak mi khuaruah asi. Thla kan cam ah Pathian nih a kan let lo kan ti le lungder in kan um tawn, a poi mi pakhat cu pathian nih a kan lehnak kan rak theih lomi hi asi. Cu kan theih lo tik ah pathian hi sual kan phawt tawn. Zei ca tiah Pathian nih pawngkam thli nungzoh khenh dingah rian a kan khinh mi kha kan tuah lo,kan zohkhenh lo cucu kanma lila nih kan hrawh. Hiti kan hrawh hi Pathian nih sual kan paw ve sehlaw kan sual man kan liam cawk hnga lo. Minung nunnak le harnak hi thiam bantuk in ai takchih mi asi ti hi phlih hna hlah usih. Minung nih sualnak a tuah ballo kan um lo, kan tuah mi a hmet ngantu nih lai a rel. Vawlei tlaihchan awk a tlak lo titu hi hngal hna usihlaw pathian mithmai kawl hna usih. Vawlei thil nung kan hrawh kan sawksam tik ah kan hrawh mi hna nak in kan mah kha a kan hrawh deuh, kan tem deuh. A ruangcu Pathian nih zohkhenh dingin a ka fial mikha kan hrawtik ah kanmah harnak kan tong. Cu harnak kan tontik ah pathian sual kan phawt, pathian thlituah ah kan rel. Harnak cu minung chimlo kan Bawipa jesuh khrih hmanh nih a hrial lo, kanmah tuar mi nak in a fak deuhtuk mi Vailam cung thihnak kha a tuar. Laimi khrihfa nih harsatak, zatlak puicimh nak, nun sivang lungretheih nak kan tontik ah pathian nih a kan kaltaak rua, Pathian nih a kan zaangfah lo kan ti caan a tampi men ko lai. Mah bantuk lung rethei van sangau in kan um lio ah hin Pathian nih kan domhtlaih hlah sehlaw zeidah kan lawh chinchin hnga. Kan theih awk ah pathian nih zeibantuk lam in dah kan ram hi siamremh a duh ti tuin ruat hna usih, hi puichimh kan ton mi hi pathian nih a kan hremnak maw asi ti nak in pathian nih nun a kan chimhnak tu asi tiin ruat deuh hna usih. Pathian nih a mi hna hrawh a kan tim lo, ser a kan timhtu asi. Bawipa cu tih hna usihlaw a rian cu zumhawk tlak tein tuan ka hna usih. A zei maw caan ah cun, kan ziaza i thlen awk ah harnak kan ton a herh. (Phungthlukbia
20:30)
Pathian Nih Nun A Kan Chimnak Asi
Pathian nih hin a mah a dawtmi hna caah le a mah nih a tinh mi ningin a kawh mi hna caah cun zeizong vialte hi a tha lei ah a serpiak ko hna ti kha kan hngal.(Room 8:28) kan lunghi i thum hna usih law, pathian mithmai kawl hna usih. Pathian nih harnak zonghi a tha in a lehkhawh ko, pathian nih ka sin ah thla an cam ah cun kei nih van in ka hun theih hna lai i, an ram hi ka damter lai ati. Laimi nih nihin kokek puicimh kan tonmi hi nunchimtu, lamhmuhsak tu, fimchim tu asi tiin ruat hna usih.
Pathian nih kan sualzat in lehrul a kan sianglo nain kan sual zat cun nun a kan chimh. Mi bawmhnak lawng bawh hna hlah usih, bawi i bochan hna hlah usih, mirum/milian i bochan hna hlah usih. Zeizong vialte tuahkho tu Pathian lawng i bochan hna usihlaw, kan mah kutke tein i bawmchan hna usihlaw, khrih dawtnak lungthin he kanmah le kan ti khawhtawk (khaap) cio in teimanthlu hna usih. Kan i dawtnak le kan i zawnruah nak, chiat ni that ni kan i zohkhenh nak hi mi ramdang nih kan hngar ve hna seh. Mi nih bawmh mi si nak in mi bawmtu si a cucang. Mah mipnun zawn ruat loin mahkar kalak lawngah i hui caan siti lo, pathian dawtnak cu hmuhlei nak in peklei ah a um deuh. Mati ka titik ah mi bawmh kan herh lo ka ti lo aih, Bawmhnak i a theipar nak in kanmah kutke tein kan i zohkhenh mi a theipar ai dawh deuh vinglai. Laimi cu sifak bik miram zong siko hmanh usihlaw dawtnak ah kan rum, hi nak in rum deuh dingin i zuam rih hna usih. Miram dangnih phailen awk le i cawn awk ah.
Baibal nih minung i bochannak cun Bawipa i bochan a tha deuh
Bawi i bochannak cun Bawipa i bochan a tha deuh.(118:8:9).
Kan lung i thum hna usihlaw Pathian mithmai kawl hna usih, Pathian nih ka mi hna thlacam leh awh ah timhcia tein ka um ati.
+++++++++±±+±
Comments
Post a Comment