Biazai Fing (4)

(I)                     Philh Khawh Lo Lasi

Kan thlim
Na ka thlim
Kan i thlim
Cucu, a kor cangmi cahmai chungin.

A kor, a tlek cang
Kan tuanbia diary.

Ziah! siamremh awk a tha ti lomi ah
Duhnak hna hi an phur peng rih.

Ma zongza hnglihtak dingin 
Timhtuah nak khawi hen an si kun. 

Aww.. asi
Kai fiang 
Ka thlarau nih an duh 
Kai fiang.


 (II)   Tlangtaar Pek Lo

Solomon thil man sung zongza
Khawika an ciamh ka hngal lo.

Chankhat ah kan i tong 
Chankhat lila ah kan țian
Nem tein na phuan mi bia nih
Kei nun, fahnak in khat mi thlanmual ah a vui.

A ngaingai tiah
Na biafang fangcheu hmanh 
Kei ca'h nunnak tluk sung lawi.

Mifanu
Zei ka tuah ti na phlih
Zei ka chim ti na hngal lo
Ma zongza sullam le biafang
Pheu dingah zaang ka zuun hringhran dahmu.


 (III)         Ka Nau Sin Cakuat

Duhnak ah a ri mipa cu
Pasan tlai lo na ti!
Duhnak nih a hlam minu cu
Nu santlai lo na ti.

Ka nau
Duhnak hi nai fiang maw
Dawtnak hi teh na hngal fiang maw?
Tlaihchannak nih zei a zawi
Na thei fiang maw?

Ka nau
Kan chimh biatak
Cuticun, tuni nih nihin lai a rel kho lai lo.

Ka nau
Duhnak hi na hngal fiang maw
Duhnak nih dawtnak a zawi
Na thei maw?
Tlaihchannak cu ngaihnak ah ai sih
Na ruat tawn maw?
I fian lo ah cun,
Vawlei hi i chuih pah a fawi.

Kan nau 
Kan duhnak hi hngal fianglaw
Na U kei nih. 


(IV)               Tuarnak Le Ka Zaan

Zaankhal nih 
A chilhkhawh lomi na iang
Muici ngei lo duh nunnak nih a thuam.

Ngaihnak hi 
Tlaihchannak ah dah ai sih!
Dawtnak nih lawmhnak cu a hrinkhawh.

Mangmanh caan hmanh ngei loin 
Kan ruah hi ka palh maw" ka fianh"
Duhnak nih a ken mi dawtnak
Atu ah cun, kei sin in na liamter cang.


Cutin
Tuarnak nih nun cu a thui
Dawtnak cu thli chia nih a țhilh
Hmape nih nun an hro.

Ka tan cuahmah mi thaizing vialte nih
Fahnak cu a zaza an zawirih ko lai mu.