Message Tlangkhat Ruangah

2015/6/20 ni cu ka dawt ka ngaihtuk lungin ka bosspa ka dam lo tiin ka hlen i ka off diam. Ka dawt muihmai voikhat ka hmuh ah cun rian an ka chuah zongah a poi ah ka chia lo hrimhrim. Cuti cun ka dawt he i tonding in timhtuah nak kan ngei, ka dawt zong a rian le khai lak ah off day a la ve. Kan um nak ai hlaat pin ah malay ah cun rian off zong a har i kan off day zong ai khat kho tawn lo caah duh paoh in kan i ton khawh lo nak hi asi. Atu kan i ton hi a voihnih nak kan i ton asi lai, a mithring in a voi hnih nak ka hmuh zong asi. Kan nih chan hi a tlik in a tlik caah a dawi dan kan thiam ngai a hau cio, tuchan ah cun online(internet) rumro in nungak len kai asi cang. Inn ah i len tuktak cu chan a dawi kho lomi ah ruah kan si cang, culak ah lung duh bia zong thathi in i ruah khawh asi lo cu mu! keimah bantuk ai dawh lomi zongnih online chung ahcun DL an i chiah cio ko. Culak ah kei zong online in dawtmi kai hmuh ve. Ka theih bal mi asi lo ka rak hmuh bal mi zong asi lo nain online nih an kan theihter i a kan hmuhter, a kan chawnh ter, kan thinlung zong dawtnak ah a mit a dei ter phah. Cu caah kei caah cun online(internet) hi thangthat a phu ngaingai. Hi bantuk muidawh pumrua tha hi zaan mang hmanh ah ka manh bal lo nain atak ah kai hmuh caah, zaanmang nak cun a tak cu atak asi ko hnga.

    
A caan 12:00pm ah a hlan i ton tawnnak timesqure tangah i ton dingin kan i ching(chim). Ka sut-khet chungah ka fim ziar mi chuah langhnak lawngah hruk ding ka ti mi ka thil lak ah kai remcem mi le, a man lei zongin a sang cem mi kai hruk. Ka sam cu cholei ka pirh ter mi zatceo, tanglei ka tumter mi zatceo tiin ka then. Thlalang hram ah ka sam hna ka vun tuai cu laikhal lak ah korea pa cio kan siko ti phunkhin lunghmuih nak in ka khat. Thlalang hram ah sau ial te kai tuai hnu ah, ka bag a thatuk lomi i bei in timsquare lei ah kar hlan hram ka thok. Caan rau lo ah kan i tonnak ding hmun kan phan, ka dawt nih a panhtuk mi mithmai he mirh buin a ka don. Ka ban ai awh pah in Movie zung lei ah kar hlan hram kan peh, ka ban a vun i tlaih i a ka awk pah ko ah khin  Korea fidi/filaw khi ka mitthlam ah an cuang. Rak duhtuk mi he Movie zoh ti a nuamh ning hi cu a zoh bel nih cun nan theih cio ko lai a zoh rih lo zongnih zohkhawh i zuam cio uh:-) 

A pin ngaimi movie khan chung earcon tangah ai kup i airek mi mit nih hmuh khawh mi an tam ial, culak ah kei le ka dawt zong kan i tel ve. Thintur zong a mah kel loin ai phundang, thawchuah thawng nih khaw zei maw thil ti kho cem bangin hnawh tholh in ai hnawh ve. Ka dawt nih ka liang cungah a lu a vun thluk pah khin a mitsir tein a ka zoh ah khin mirh loin ka um kho lo. Kan zoh mi movie tlangtaar zong a ka phliter viar, a rak nuam ve hrim ko. Laitlang december thla bang a kik i a dai ngai mi earcon tangah ka thlan nih ka pum a tuam. Kan movie zong mi tih a nun(danger) ruangah asi lo, ka dawt huham(power) nih ka thlen an chuahter tu asi:-) . A hmui ngai mi a sam thuh rim hna cu pakhat hmanh tang loin lemh dih ka duh. Muihnak nih a tuam mi movie khan chungah ka dawt iang cu thlapa bang a fiang i a pian hirhiar. A mirh ko ah hin a ha-tian ai rem ning mitthep taak ka sianglo. Cuti cun movie kan zoh mi khawika a phanh zong kan hngal lo, a that le that lo cu chim lo zeitin asi zong kan hngallo, kan mah pahnih thep loin kan i zoh nak ah kan thinlung nih movie zoh a philh, kan thinlung mit a caw. A chel ah fak deuh in kan i rek, a chel ah kan hmur le kan hmur zong kan tonh. Ka dawt he kan um tti caan ah hin cun kanmah pahnih lawng vawlei ah a um mi ah kai ruah tawn. Vawlei kan phlih, vawlei van ram an ti tawn mi hi, kan dawt bik mi he hmunkhat te ah kan um ti caan hi teh asi ko lai ka ti, asiloah zei bantuk caan khi dah asi kun hnga! Vawlei nih thawt nam nak a ken mi hi teh zei khi dah asi hnga? Ka dawt he hmunkhat kan um ti kan i hnamh(kiss) lio caan hi asi ko hnga lo maw. Kan thinlung mit a caw duhnak nih mi mithmai a rak zoh hrim lo.


Cuti cun, kan movie zoh mi nih dih lei a panh ziahmah. Caan tlawmpal a taan ah khin ka phone messager ka ring tiah a vun ring khi ka theih. Ka caorh lei baan in ka dawt ka kuh caah ka ca-keh lei kut in ka phone cu ka vun chuah. Message ka zoh cu ka lau, ka lung maw, ka theih bal mi ph number asi lo. Ruah lo piin zual ko an ret bangkhin ka mal a ma, ka khua ruah a phing, kapu thih lio nak in ka lau deuh ti ning law kan palh men lai lo:-)  mitchim buin ka ha-cang kai rial, zeitin ka tuah lai ti ka hngal lo. Keimah le keimah kaisik ka mang asi lo fiangtuk in ka hngalh. Movie zong ka zoh zuamti lo chuah taak diam ka duh. Zei ruangah dah na ka hlen ti i bengh bak ka duh nain kai thlohthan. Ka taang nih ka thinlung tlum hlah sehlaw a lo, a tlok in a tlok. Video chungcu sisehlaw voikhat bengh cu ai huah hrimhrim la! Pasal a ngei cangmi asi ruangah ka thinhun mi asi lo a ka chimh lo ruang tu ah ka thinhun cemnak a ruang asi. 

A sin ah ka thinlung fektuk in hram a bunh hnu ah hi thli ka ton cu tuarzia thiam a har ve hrim, pasal pi nih nu pakhat ruangah cuti um cu nan ka ti men hnga, na duh tuk mi nu nih hiti hin in hleng ve sehlaw cucun na fianglai, cu hnu ah na mawh lo nan ka ti lai. A chuah ka in duh mi hi pakhat lawng ka ngei, cu ka duh mi nu sin ah ka thinlung fektuk in tung ka bunh. Cucu kei caah a fakbik sivai tha lo ah an cang, cu ruangah duhnak hi sual ka phawt. Ziah nizaan zongah khan ka theih lo atu a mah kiangka um lio celngel ah hin ka theih hnga! Cu chinchap ah atu a vaa pa he a um tti mi an si chap bei. Ka kuttum ka samh kho lo, a mah he chikhat um ti chim lo a mui hmuh hrim zong ka zuam ti lo, ka thin hi a linhtuk ah a khu chuak hlah maw ti awkin a lin. Zeitin bia vun hal ding ka thei lo ka lung a molmok. Vawlei ngai hi aw tiin movie zong zoh lem loin khua zaza ka ruat. Keimah santlaih lo bia zong asi kho, zei ca tiah asi ning hi tampi ka hlat lo, hlat dingzong ah ka ruat lo zohnak cun nungak note a lo ko nain tuchan cu kum tlinglo nupi thit-vaat a tamtuk ti ka ruat than. Zei asi zongah pasal(va) a ngei ko cangmi nih hiti a ka komh i duhnak bia a ka ruah mi nih ka thinhun a zual ter. A sining hna i thuh in a ka hlen khawh, i timh ah cu i hlen a rak fawituk hme hi, ka zohnak ah hin minung menber hrim ah ka chiakho ti lo, nan chia cio ve lai lo. Atu hmunkhat i kan um mi hi a pasal nih thei sehlaw tiin keimah le keimah biahal nak kai tuah ko ah hin mi nupi a chut mi an ka ti ding ka ruah ko ah ka thin hi a linhtuk ah a maan dih hlah maw ti awkin. Ma lai hi rak hngal ninglaw tuni zong ka off in ka rong hnga lo mu.


 Cu zaan cu a hnglih kai hnglih kho lo khua zaza ka ruat, ph a ka call len nain ka tlai duh lo, kan cakuat thing tete ka rel ah ka thinhun maw a zual deuh ka nih dik chuak deuh. Cu lio celngel ah cun ka phone message ka ring tiin a rin thawng ka theih, ka zoh cu" ka ta nai manh lo tuk maw ziah na phone na tlaih lo chikhat te rak ka call ta te mu aka ti nain nai miak ka ti. Zaan dangah a aw theih ta loin voikhat te zong ka ih khawh lomi tuzaan cun a aw theih zong ka zuam ti lo.
 Tuni ka theih mi bia nih a ka umter thiam lo zaan 12:00am asi cang, ka sivangh tuk lungin an rak kan pehtlaih tertu Facebook ka kau i a hmanthlak hna cu a thar in ka zoh than. A profile hna cu kan lainu ah cun a mak khi asi ko, hi tluk nu dawh nih ka thinlung a hlen khawh hi cu khua ruah har ding asi lem lo nain ka theih mi bia nih ai dawhnak pakhat hmanh an kenter ti lo. A Facebook ka block hnu ah ka cell phone chung i a um mi a photo hna cu pakhat hmanh tang loin ka delete. Ka phone contect chung i Ka Dawt tiin ka save mi a phone number cu hlonh an si cang. An rak kan pehtlaih tertu hri hna cu pakhat hnu pakhat chah an si i ka duhnak le ka dawtnak cu a thukbik thlanmual ah vui an si cang. 

Zaan a tlai ziahmah tuni ka ton mi nih cofee din bang a ka hrio ter. Ka khuaruah nak hna an vaivuan. Ruah lo piin ka ruahnak ah a vun chuak duak mi cu tuni i message a ka kua mi kha ho dah asi! Hngalh duhnak lungthin ka vun ngei. Leklak ka phone ka lak i message a ka kua tu phone number cu ka hei hmeh, a bo ngai mi aw
in.
"Hello tuni na message kha a hman taktak maw?
#Si hlah kan capo ko cuteh nai zumh le maw, a mah tu nih a ka hal lila. 
Kan hlen a ka timi bia ka theih cu message ka hmuh ka nak in ka lau deuh, sok ka ngah lo lawng cioma lau:-)  tlawmpal kai hrim hnu ah, zum ka ti ah cun a ka nih sawh ding ka theih caah zum hlah ka ti mei. A aw fiang deuh in ka vun ngaih cu ka hawipa Kawi Thio a rak si diam, bator minung a phone sim card ai thlen i a rak ka hlen asi ai. Ka mawh lo hlenkel tein hmeteh a ka hlen cu a phone sim-card thlen tiangin.

Van lei hoih in ka thaw fak emem in ka chuah hnu ah    zeitin dah ka contect than lai timi ka ruat. Ka dawt nih ka chawn te a ka ti nain a phone number ka ngeiti lo. 
"Ka Dawt Ka Ngai Thiam Mu"