CNF Thawh Kehnak Tuanbia(Dal 3nk)

Chinland Government:
CNF nih rian a tuan khawhnak ding caah le policy au chuahpi ding caah cun CC le CEC nih an khiah mi biachah pawl țuan dingin Chinland Government cu dirh asi. Chinland Government nih ramchung ramleng ah miphun hawi hna sinah pehtlaihnak le a herh mi paoh rak tuah dih asi. Chinland Governmen tangah Ministry 6 chiah piak a rak si. Mah ministry nihcun an mah le an rian cio cu rak tuan asi. Chinland Government cu presedent rule in kal asi. Government body tangah chiahmi pa 6 hna cu.

1. Home ministry
2. Finance ministry
3. Foreign ministry
4. Trade ministry
5. Health and Eduction Ministry
6. Defense Ministry an si hna.

Chinland Government dirh asi nak cu miphun pi nih Government structure khi kan ram le kan vawlei ah mah te khuakhan lairelnak kan ngeihkhawh tik ah zoh thiam hna seh. Hmang thiam hna seh cuti cun Democracy kan hmuh tik ah kan herh bau mi kha hngalthiam hna sehlaw timi ruahchan in dirh mi asi.

Chinland Government nih a kal pimi cu CNF Conference nih a thlak mi policy pawl kha riantuan dingin asi. Government Of Chinland kalpi asi i presedent rule in kalpi asi. GOC cu 1993 a voikhatnak conference dih in ramchung ah tha tein riantuan dingin ti asi bantuk in CNF nih ramchungah 1994 kum in Home Tax a rak lak. Cu hlan ah CNF tang GOC nih Home Tax a rak la lo. 1997 kum a voihnihnak conference kan dih hnu in GOC cu tha tein derhter le fek deuh in rian tuan dingah tiin ministry tha tein rian pek le khinh an rak si.

Chinland Government cu presedent rule in derh asi. GOC tang a tuanmi min le ministry pawl min cu a tanglei bantuk hin riankhinh an si hna.

1. Col. Thomas Thangnou ( president)
2. Capt. Khua Uk Lian( vice president)
3. Maj. Thang Yen(Secratary Of Defense )
4. Lt. Col Zing Cung ( Secratary Of Defense)
5. Capt. HC Ral Hnin ( Asst. Secratary Of Defense)
6. Capt. Dr. Sui Khar ( Secratary Of Foreign)
7. 2nd Lt. Uk Lian Thang ( Secratary Of Home)
8. 2nd Lt. Tui Dim (Asst.Secratary Of Home)
9. 2nd Lt. Mal Sawmlian a ( Secratary Of Home Health- Education)
10. 2nd Lt. Chan Hmung ( Secratary Of Finance)
11. Pvt. Siam Mawi ( Asst. Secratary Of Finance)
12. Sgt. Maj Hrang Tin Thai ( Secratary Of Trade)
13. Sgt. Mang Lai ( Asst. Secratary Of Trade) tiin rian khinh an si.

Defense Ministry tangah Army line cu chiah asi i. CNF tangah NCA a chuahnak cu KIO/A sinin traning an dih i private number of regional number hmuhhnu traning kai mi lawng nih hmuhkhawh asi.

Vice Presedent Capt. Khua Uk Lian cu NCUB(western part) ah Chairman rian a tuan caah Vice asi nak in 1999 ah aa din i a mah aiawh tu ah Maj. Thang Yen nih a chan. SOG cu Capt. HC Ral Hnin nih a tuan chih. Private Siam Mawi aa dinh hnu in Sgt.maj Va Ong nih 2nd Lt. Chan Hmung cu rian a bawmh. GOC cu kum 2000 kum Setember thla in hrawh asi i party tang department pakhat bantuk in ser asi.  

Defense tangah Army cu chiah asi bantuk in CNA cu GOC i defense ministry nih a tlaih. 1988 kum in 1993 kum CNF a voikhatnak conference tuah hlan tiang hi ning cang loin CNF hi a rak kal. Rank pek zongah order in pek um tuk lo. KIO/A pawl sin traning kai mi hi tha deuh in pek an si. Cu lo cu No Than Kap nih pe uh a timi paoh kha pek an rak si ko. Army rank cu army traning lak dih hnu lawngah rank cu pek phung asi. Asinatein CNA a voilinak tiang traning pek ah hin rank ngeimi in rakkai cio asi. Ralkap traning an kai hlan ah rank an rak ngei cio. CNF cu tha tein a kal khawh hlan tiang hi a voihnihnak i chairman thim mi No Than Kap nih a duh ningin a kal ter. 

CNF Chungin Chairman Asi Mi Hna Cu;

1. Pu Tial Khar ( 1988 March- 1988 kum dih lai tiang)
2. Pu No Than Kap ( 1988 kum dih hlan in 1993 CNF Conference tuah hlan tiang)
3. Pu Roger Biak Lian Thang ( 1993 the first CNF Conference in 1995 kum thok ka tiang)
4. Brig. Gen. Thomas Thangnou ( 1995 kum thawk ka in 1997 kum second conference tiang acting chairman in a tuan i 1997 second conference- 2008 the fourth conference thawk hlan tiang. Kum 14 chung a kan tuan piak)
5. Pu Zing Cung (2008-2010 Emeryency Conference tiang) tiin rian khinh a rak si.

2010 kum Emergency hlan hi cu party member chung, party number a ngei mi lawng nih tuan khawh asi. Emergencu conference nih party member a si mi zong siseh, a lengmi zong siseh kau deuh in riantuan khawhnak ding caah tin  towns 9 based in a thim i cu ti cun a thar policy in kal than asi.

CNF nih Liaison Office hi 1997-2001 kum tiang hi hmun 4 ah a chiah. Bangladest, Delhi, Aizawl le Saiha ah a chiah hna. CNF chungin Garry(BRC) nih 1995 kum ah traning a rakpek hna. Cu traning a rakkai mi hna cu Terah, Micheal, Biak Ceu, Van Lal, Sang Lian Thang le Thawng Nawl hna hi an si. Cu i an i tinh mi cu Chin Human Rignts Organization(CHRO) derh i kan miphun nih nuhrin covo ka hmuhkhawhnak ding caah kan au pi lai tiin rak timhlamh  asi. CHRO rian cu 1995-1998 tiang Sgt. Micheal Ngin Sian Pau nih a tlaih. 1998 kum kawlkut in a liam tiang felte le tha tein a kal pi. 1998 Ottawa (canada) ram i Chin Forum an rak dirhkhawh hnu cun CHRO cu Chin Forum tangah rak kalter asi lengah Civil Soceity ah rak chiah than asi. 

CNF nih CHRO lawng cu asi kho lo, kan ram chungah development zong kan tuah chih a hau tiah ti asi. Cu ve bantuk cun 1995 kum thiamthiam ah CRDC ( Chin Relied and Development Comittee)  timi cu rak dirh chih asi. Cu CRDC cu Pu Biak Ceu nih a rak tlaih. A hnu ah CRDC cu NCCD ah rak thlan in an rak kal pi than. 

2003 kum CNF Conference tuah lio ah rak tinh mi cu kan Chin miphun huap in zeitin dah awkhat kan chuah khawh lai? Lungrualnak kan chuah khawh lai timi rak timh asi bantuk in a ra dingmi 2004 chungah kan Chin miphun i bu paohpaoh fonh in Victroria camp ah seminar tuah kho sehlaw timi kha bia khiahnak ah kan rak ngeih bantuk in 2004 kum ah CCB cu auh in PACC tiang dirh khawh asi. PACC cu aizawl ah zungchiah ding tiah ti asi. Zung hlannak ah phaisa an rak ngeihrih lo caah CNF zungah thla 8 chung CNF nih a herh mi paoh a tawlrel pi i a zohkhenh. PACC cu a dang tein zung an hlankhawh hnu ah CNA a auh ve i CNC timi an rak dirh. 

SLORC chan lio in CNF cu khrihfa upa pawl hman in rak chawnh aa tim len ko nain rak i chawnhnak a tlamtling kho bel lo. 

SLORC nih voili tiang biaknak upa le khuami nupa hna upat mi siin tiin a ruah mi pawl a thim hna i a rak chawnhter hna. voikhatnak an rak i chawnh hi 1994 Setember 25 ni ah asi. A voihnihnak cu January 25- 1997 kum ah le April 20 ni 1997, July thla 9-1997 Victroria Camp ah a rak su. Peace Talk Committee cu 1996 July thla ah rak derh asi. 

Ma lio an rak i ton lio ah SLORC nih a rak timi cu:

• Polity kong ceih loding.
• Development konglawng ceih ding.
• Hriamnam pawl kaltak le chiahtaak in an mah kuttang ah umter.
• NDF le DAB he pehtlaihnak kha hlawt i kal tak ding.
• Cozah phu dohtu pawl he i pehtlaih lo ding ti pawl asi ruangah CNF nihcun a duh lo i an i chawnhkhawh lonak cu asi.

CPDC chan zongah biaknak lei upa hna cu a rak hman than hna: 

CPDC nih a kalpi mi le a biadenh mi: (Exchange Army For Peace) a si ruangah chawnhkhawh a rak si lo. Kum 2000 le 2003 kum ah Aizawl ah raktonnak cu an ngei. 2007 kum i tonnak an ngeih dih hnu in 2007 kum March 15 ni ah a voikhatnak kawl ralkap SPDC he tonak an rak ngei. Cu an i tonnak ahcun CNF aiawh in a tanglei pawl hi kalter an si hna. 

• Dr. Sui Khar ( JGS 1 Leader)
• Paul Smith (EC Second Leader)
• Khua Uk Lian (Member)
• Maj. Solomon (Member)
• Ro Khawma (Member)
• Ni Bawi (Member)
• Thet nei (Member) hna an si.

Cu i an rak kalpi mi cu zumhnak ( trust building)rak tuah kha asi.

Kawl ralkap SPDC cozah lei in Colonel Min Htin nih a hruai hna i ni (2) chung hmaitonh biaruahnak cu an rak ngei.

SPDC chan lawnglawng ah i chawnhkhawh asi i 2007 kum dih lai ah a voihnihnak i chawnhthan dingin ti asi natein kawlram pumpi ah phungki nih duhlonak an langhter ruangah zeihmanh tuahkhawh asi lo. Chawnh biaknak an rak tuah hnik mi zong a tlam a rak tling lo..

Dal 4nk ah relthankhawh asi>>>>>>>>>>.