(CNF Thawh Kehnak Tuanbia) Dal 2nak

1988 kum March in August thla tiang Democracy uknak duhmi ruangah kawlram pumpi rambuainak a rak chuak i kum 26chung party pakhat lawnglawng nih uknak BSPP cu a tla i Satember 18 ni ah SLORC(e0w) timi uknak ralkap cozah nih nawlngeihnak an raklaak. Ralkap nih nawlngeihnak an laak hnu ah Chin Student pawl le Chin mino hna cu ralkap uknak hrawh dingle mahte khuakhan lairelnak(Self- Determination) hmuhthan ding caah ral kan tho lai  tiin India ram ah an rak  hna. India cozah nih mizoram state Saiha le Champhai khua hna ah refugee camp a rak tuahpiak hna i cuka cun hmunhma a rakpek hna. Mah kum November thla chungah mah refugee camp pahnih a ummi hna cu miphun caah riantuan ding raltho ding an rak ti i Burma Democratic Front(Western/BDF)cu an rak dirh. Asinain miphun caah rian a tuanmi party asi mi CNF ahcun luhding in an rak ton hna i hmunkhat tein rian an kan rak țuanti lai tiin tonnak an rak tuah. 1989 kum January thla ahcun BDF chungin an chuak i CNF ah an rak lut. Mah hnu cun BDF zongcu a rawk i BDF chungin a tangmi kawlpawl kha ABSDF tiin an rak dir ve.

1989 kum March thla ah Chin National Front(CNF) han cu KIO sinah ral lei fimthiamnak cawng dingin an rakkal i a cheu cu November thla ah (Bangladest) ram lei ALP sinah rallei fimthiamnak cawngdingin le hmunhma rakkhuar dingin an rak i then i an rakkal hna. Mah hnu thawk cun miphun zalonnak le luatnak hmu dingin tiin ram caah riantuan dingin Chin National Army(CNA) timi miphun ralkap cu rak dirh asi. 1989 kum October thla CNF chungin lung i hmuhthiam lonak a rakchuak i No Than Kap hruaimi CNF le Pu Tial Khar hruaimi CNF tiin an rak i țhen. Party members a tam deuh le CNA ralkap nih No Than Kap khan an rak bawmh i No Than Kap cu hruaitu ah an rak ser.

Pu Tial Khar nih a hruaimi CNF cu a hnu ah min pakhat hnu pakhat in an thlen i a donghnak ah Chin Liberation Council(CLC) tiin ram caah cun rian an rak tuan. Pu Tial Khar zongcu mah bu cun a chuak i Pu Ro Za Thang nih a rak hruai hna i ram caah rian an tuan natein atu hnu cun an țuankho ti lo. 2006 hnulei ah Pu Tial Khar nih CNC(Chin National Confederation)timi bu a dirhthan i mah bu cu tuchun nitiang India le Bangladest ramri lei ah a um.

Chin National Front(CNF) cu hriamtlai bu nih dirh mi National Damocratic Front(NDF)ah menber asi i mah hriamtlai bu ah hin bu 8 an um. Cu pin ah Demcratic Alliance OF Burma(DAB) zongah members asi. DAB hi 1988 rambuai hnu i a tlimi bupawl le 1990 kawlrawm Election an tuah i thimnak i teinak hmu mi pawl nih nawl ngeihnak an hmuh khawh lo hnu ramtang lei i an rak tlik i ram caah rian ka tuan lai a timi paohpaoh nih rak dirh mi bu asi.

Mah bu i an i tinhmi cu ralkap uknak hrawh, dihter le Democracy uknak hman in federal ram dirhding, Self- determination hmuh than dingah kan sikhawh nak cio in kan ral kan dohți lai tiin minsen rak thut i rak dirh mi bu asi. 1992 December 9 ni ah Chairman asi mi No Than Kap cu party in dun le daan pawl a buar caah chairman in an chuah i Roger, F Biak Lian Thang nih a rak hruai hna i National Security Emergency Committee(NSEC) timi an rak dirh i party rian vialte cu tuanvo an rak lak. Party Conference kan auh lai i mah ahcun nawlngeihnak vialte kan ap than lai tiin 1992 December (9) ni ah letter no 1/92 in awder an an chuah.

1993 June(9/16) kar an rak tuahmi a voikhatnak conference cu Party Head Quater's umnak ah an rak tuah i mah ahcun party chairman caah Roger, F. Biak Lian Thang cu rak thim asi.vice chairman ah Pu  Thomas Thang No General Secretary ah Benjamin Turing lengah Central Committee (8) an rak thim hna.

Central Committee

1. Zing Cung (Vice Chief Of Staff/Secretary Of Defence Ministry)
2. Pu Sang Hlun( Chairman Of Judicial)
3. Captain That Ci(Member Of Judicial)
4. Captain Thang Yen( Secretary Of Home Ministry)
5. Dr. Sui Khar( Secretary Of Foreign Ministry)
6. Second lieutenant HC Ral Hnin( Southern Commend)
7. Second lieutenant Paul Sitha 
8. Sergent Malsawm (Secretary Of Health And Education Ministry)

Mah conference ahcun party i constitution cu an rak taar khawh. Chin National Army zong cu fekte le thatein  rak dirh asi. Mah kum August thla thawk in mipi sinah kau deuh in riantuan arak  asi. Operation pakhat hnu pakhat i rak i thlen i tuah  a rak si. Ramkomh bu hna i dirhmi bu hna he fek te le neih tein riantuan hram an rak thok.

1995 Febuary (22)in an rakthawk mi a voikhatnak party conference, a voithumnak  i Central Committee meeting ah party chairman Roger F. Biak Lian Thang cu ngandam lonak ruangah dinhnak nawl a rak hal mi cu party central committee (CC)nih dinhnak nawl an rak pek i party i constitution ning bantuk in vice chairman asi mi Thomas Thangnou nih party chairman rian cu aa khinh i miphun le ram caah tiin rian a tuan pi hna. 1997 June (20) July (8) tiangah a voihnihnak party conference cu victroria camp ah rak tuah asi i mah coference nih partu i aa tinhmi (5) kha an rak fehter.

Mah 5 hna cu

1. Adik a hman mi Democracy ram kan dirh lai mah kan dirh tik ah  (a) Miphun pi hna i an ram kha charchanh in ramkomh ram dirhding.(b) ramkawmh ramchungin chuahkhawhnak kha ramkawmh ram uknak danzabu chungah țial taar ding. (C) Ramkawmh ram ralkap bu cu miphun pi hna ram i ralkap hna i an milu relkhat in serding.
2. Chin miphun hna ka zapi tein mahte khuakhan lairelnak hmuhțhan ding.
3. Chin miphun hna zate le Chinland ramchung mihna za tein lungrualnak fek tein serding.
4. Chinland ram ngeih mi chungah daihnak, rualremte le tinco khahnak, daanzalen nak cu kilven ding.
5. Ramkhel rian, chawlehnak, zatlangnun (Social)le kan dirhmun santer rualremkhat tinco khah nakding caah Chinland zapi hna he hmunkhat tein tuantti ding timi hnacu hnatlaknak ngei in an rak nemhnget.

Mah conference ah party i chairman caah Pu Thomas ThangNou, vice chairman caah Pu Zing Cung, General Secratary caah Ph Benjamin Turing, join General Secratary caah Pu Khua Uk Lian, EC member caah Pu Thang Yen le Dr. Sui Khar hna pin ah CC member (9) thim an si chih

Central Committee Member cu

1. Major. That Ci(chairman of judicial)
2. Captain HC Ral Hnin(vice chief of staff/Asst. Secratary of defense ministry)
3. Lieutenant Paul Sitha (Delhi liaison Office In-Charge)
4. Lieutenant Solomon Thang Ding(General Staff Officer)
5. Second lieutenant Mal Sawma( Sacretary Of Healht and Education Ministry)
6. Second lieutenant Chan Hmung (Secratary Of Finance Ministry)
7. Second lieutanant Uk Lian Thang( Secratary Of Home Ministry)
8. Second lieutanant Sunny Ngun Awi( Central Commend Commender)
9. Second lieutanant Kam Do Dal (Southern Commend Commender).

Mah lengah ralkap uknak cu hrawh i daihter ding caah a doh tu Aung San Su Kyi hruaimi Democracy bu pawl he hmunkhat tein țuan ti ding, pakhat le pakhat aa bawmchan kho dingin țuanti i dohți ding le meatrawtha i an rak tuah mi tlangcung miphun hna tonnak i biakhiahnak kha kilven i nunter ding fek tein biakhiahnak an pom. Chin National Army i a voikhatnak Commendent pawl Conference zong 1997 kum October thla 15/22 tiang Victrotia Camp ah an rak tuah i, mah Conference nih ai tinh mi cu ralkap țhawnter, fehter than ding, miphun ralkap he aa tlak a tlingmi si khawhnak ding caah ruahnak le biakhiahnak an rak ngei. Kan ral asi mi kawl ralkap hi rallei thiamnak in kan dohtik ah Strategy-Tactical pawl ruat in biakhiahnak an tuah. Party hruainak cu a nganbik le a lu bik ah chiah i miphun luatnak le zalon nak kan hmuh hlan, teinak kan hmuh hlan tiang ralsin ah tangdor in um lo in, kan ral kan thih hlan lo kan dohti lai timi biakhiahnak an rak ngei.

2003 kum a voithumnak party Conference cu November thla 5/12 tiang Victroria Camp ah an tuah i mah Conference nih Aims and Object ah a tanglei bantuk in a khiah.

1. Miphun hawi hna he aa khat mi ramkawmh ram dirh ți ding(Federal State).
2. Mah te khuakhan lairelnak hmuhkhawh than dingin timhnak an ngei.(Self- Determination le Democracy).

A voithumnak Party Conference ah Party Chairman caah Pu Thomas Thangnao, Vice Chairman caah Pu Zing Cung, General Secretary caah Pu Thang Yen, Join General Secretary ah Dr. Sui Khar, Ec menber ah Captain Paul Sitha, le Lt. Col. HC Ral Hnin pin ah Central Comittee Member's  (13 ) thim an si.

Central Comittee hna cu

1. Captain Khua Uk Lian
2. Major Solomon Thang Ding
3. Lieutenant Sunny Ngun Awi
4. Second Lieutenant Mang Lai
5. Second Lieutenant Ro Khawmma
6. Second Lieutenant Tui Dim
7. Sergent Major Lian Za Pum
8. Sergent Hla Tun
9. Pu Hung Maung
10. Pu Ni Bawi
11. Pu That Ni
12. Pi Sui Chin
13. Khumi representative (1)

Mah conference ah SPDC i roadmap cu 1990 thimnak i teinak a hmu mi party pawl le tlangpar miphun(Ethnic National) hna i an konglam kha zeirel loin a tuah hlei ah, a tuah dingmi Election kong he pehtlai in caan a phuang lo Basic Principles (401) pawl chirchanh in tuah a timh caah Democracy lam le ram an kan phak pi lai lo timi hmuh asi caah kan pom lo an ti. SPDC nih miphun lungrualnak le Democracy ram tundin taktak a duh si ahcun 1990 thimnak i teinak a la mi party pawl, tlangpar miphun hna i party kha a pom hna i ramkhel daan zabupi an tialnak ah an i tel lai i a fek mi daan zabupi cauk pakhat le Democratic Federal Union ram kawmh ram pi cu an chuah pi lai i ka ser lai tiah hna tlaknak an ngei.

Cun Chinland chungin ram caah riantuan mi hna Party pawl he hmunkhat tein rian ka tuanți lai i kan lung kan i fun khawh lai timi hna ceih in a ra dingmi kumchungah Consensus ngeihkhawh ding in lam kan kawl lai tiah biakhiahnak an ngei. Mah biakhiahnak ningin 2004 kum April thla chungah Chinland caah tiin a tuanmi hna Political Party asimi 1990 kum teinak a rak hmu mi Chin National League Democracy(CNLD), Mara People's Party(MPP), Zomi National Congress(ZNC)le Civic Groups, Woman Organization pawl he tiin riantuan ti dingin minsen thutnak an rak ngei. Mah minsen thutnak thawngin Political Alliance Of Committee Of Chinland(PACC) timi phu rak dirh asi.

2008 kum December 8/13 tiangah Party i a voilinak Confrerence cu Mizo ram chungah kan rak tuah i tlamtling tein kan lim. Mah Conference nih ai tinh mi cu.

1. Miphun hawi hna he  aa khat mi ramkawmh ram dirh ți ding(Federal State)
2. Mah te khuakhan lairelnak hmuhkhawh than dingin timhtuahnak an ngei(Self- Determination le Democracy)

A voilinak Party Conference nih Party hruaitu dingah a thim mi hna cu Chairman caah Pu Zing Cung, Vice Chairman (1) Caah Pu Thomas Thangnou, Vice Chairman (2)caah Pu Thang Yen, General Secratary caah Pu Paul Sitha, Join General Secratary (1)caah Dr. Sui Khar, Join General Secratary (2)caah Pu HC Ral Hnin, Central Excutive Committee Caah Dr. Andrew Ngun Cung Lian, Pu Khua Uk Lian, Colonel Solomon Thang Ding hna lengah Central Committee caah minung(14) thim an si.

Central Comittee 

1. Pu Mang Lai
2. Pu Thet Ni
3. Pu Hla Tun
4. Pu peter Ram Lian
5. Pu Thla Hei
6. Pi Sui Chin
7. Pu Ro Khawma
8. Pu Hung Maung
9. Khumi Area Representative 
10. Lt, Col Hrang Tin Thai
11. Mojor Lian Za Pum
12. Major Biak Ling
13. Major Sang Lian Thang
14. Major Than Tun 

Mah Party Conference nihcun Tripartite Dialog in ton i kawlram buainak kong chim le ceih ti hi a tha bik lam asi tiah a ti. SPCD i roadmap stel by step kha a pom lo bantuk in mah roadmap i a donghnak asi mi 2010 Election ding zong hi a pom lo tiah a ti. Cun ka doh zungzal lai tiah hnatlaknak a ngeih. Asi natein Chin miphun aiawh kawl cozah(SPDC)nih a tuah dingmi 2010 general election chungah kai zuam ve lai timi party a dirh mi , Pumpak (Independent) in party dirh i ram aiawh in bia ka chim lai ka tuan lai a timi bu paohpaoh cu a zeilei paoh in a bawmh lai i ka tuanpi lai tiah biakhiahnak a ngei. 

Cu lengah tuchun i Chin miphun kar ah kan tuar mi maupar ruangah mangttam kan tuar mi hi ramchung ramleng in bawmhnak a pe mi Chin Miphun bu pawl, Biaknak lei bu, pumpak dirhmi bu si hna seh, NGO pawl he hmukhat kutsih tlaih țiin rian kan tuan ți lai tiah biakhiahnak an ngei.

Kawl cozah (SPCD)nih Chin miphun tin co ding asi mi Basic Rights cungah namnek nak a tuah mi pawl ruang i ramleng a chuak mi Chin miphun himnak tiang zong a hrawhter ruangah thinphan thla lau tiang le hi miphun buainak hi vengti dingin Chin miphun bu pawl he hmunkhat tein riantuan ti dingah biakhiahnak a ngei. 

Dal 3nak ah relthankhawh asi>>>>>>.