Thinlung Hmape

Tuni cu ruah siamsiam in asur laitlang furpi nikhua ko a hluan ih a numatuk nain hnglih taak dingah ka sianglo. Ka lu cung i ka chiahmi ka phone ka vun banh Facebook ka vun kau i karing tiah ka phone a vun ring ka zoh cu "Today is Biakku Birthday" ti a ka chimhkhi asi.Calendar ka zoh i May 30 asi, Ka phlih cangrua ka timi ka rak phlih lo ti kai fiang. - Aw tuni bantuk hna ah hin cun Biakku he hmunkhat teah a birthday kan rak lawmti tawn, nikum a birthday i laksawng ah angki ka rakpek mi hnakha a um ti hnga maw? Asiloah a kuangtaw ne ah dah ai fim ziar hnga ka thei lo. Biakku nih hin teh a birthday tal ah a ka hlam ve hnga maw? Zeitin tal a lungthin a cawl caang hnga maw? Asiloah nikum a birthday nak in dah a hlunhlai deuh i a ka phlih men hnga nain kei nih cun ka phlih lo. A birthday ni phaak cu kei caah hmakher khawih ko khi a hluan. A thar in ka ngai athar in ka hlam. A birthday lio i a nu le pa hmai ah satawperi a ka tuh kha phlih dingah ka sianglo ka lungkil ne ah kai fimziar ko rih.

   -Atu a facebok timeline ah ka tial mi(Chuah Ni Lawmhnak Na Cuangah Umko seh) ka timi a hmuh hin cun aka phlih hmanh ah tlawmpal tel cu a ka ruat ko lai tiah ruahchannak ka ngei.
+++++++++++++++++

 Cuti cun puanbu tangin ka ruahnak a vakvai a liamcia caan a thar i an hungcuang ziahmah, mitthlam hna ah pakhat hnu pakhat an hun i chong, Hnathlam ah phlih awk tha loin ka dawt a aan thlum a thang hliahmah. Ka hla ngeihnak hri a pahnih in ka hnakhaw ah ka vun tonh" a hlan ah ka dawt nih phone chungin a rakka sakpiak tawn mi..." Hniang Hniang" sakmi (Ka Reikiang Vengtu) ka ngai: A hlan ah cun hi hla nih lawmhnak arak ka pek tawn nain atu ah cun fahnak petu sivai ah an cangcang. A hlan kan message tete pakhat hnu pakhat in ka vun rel nolh ah hin ka taa asi tilo ka phlih tawn". Keicu na ka duhtak asi ah cun nata ka siko atimi messager ko nih ka thinlung khuai dih a zelh.

 Ka offday ko ah hin ka ngaih a zual i ka hlamnak hmual an fakkhun liam cia caan ahkhan cun hmunkhat te kan i tong i, ti le nga bang kanrak lengti, tlengkhat ah thu in duhbia kan rakphai ti, a chel caan ah Movie kan rak zohti". Cu zongcu caan sin ah an ziamtho ko.

 Kan dawttuk na rak ti lio caan ahkhan kei nih cun zungzal ca dingah kai rak ruah sual mu,atu kei thinlung ah a hmun camcin. Nangzuun ngaihtuar har dingin khuazing nih khauhri khih cia mi maw ka rak si hnga?- caan hi sitha bik asi an ti bang zeican tiang dah caan sin ah thlop rih ka hauh lai?.

   A pantuk lomi a hmur, a biangnem cung i ka hmur neh valdang hmul neh nih a chlih ding ka ruah ko ah ka thin hi pakhat khat nih thingtan i tu hnaseh law cu bang" a fak. A linhtuk ah a khu a chuak hlah maw ti awk in" afak tipin chim awk um lo aum lo hrimhrim. Kan sianglo val dangsin liam dingah ti zongah zeisan a tlai tunglo mu. A fawi tunglo kei caah ka dawt"Kan i dawtnak hmelchunh nak caah laksawng na rak ka pek mi angki nih na zuun an phur,  ka hngawngcung na ka awih mi thi zong an hmunrih.
Ziah a rawkkho ding thil hmanh an rawh rih tunglo a rawkkho lo dingah kan rak ruah mi kan thinlung dawtnak bel khawi ah an sikun? Ka rak len tawnnak hmunhma hna atu ah cun fahnak petu ah an cangcang.

Nikhat voikhat tal na aw ka theih lo ah cun kan ngai na ti tawnkha ka dawt, atu ah cu na aw theih ka duh hmanh ah ka theikho tilo. Hmunkhat kan lenti lio caan zeitluk in dah kan i nuamh ti cu na mithmai ah a langkho kha ka dawt" ka baan nai tlaih i ka liangcungah na lu na thluk zawn na samthuh rim thawchuah taak ka sian lo zia! Ka biangcung ah na hmur na chiah tawnkha. Hi lei cung duh tlin lonak ram anti mi hi nang na kal na liam hnu lawngin kai fiang.


Nan inn tang India restoren kan i ton hmasa cem lio a mirh hmanh kan rak i mirh ngam  tuk lo kha, zeitluk in dah kan thin atur ti cu nangmah le keimah lawngnih kan theihkhawh lai. Macu dawtnak a thawtnam phunkhat ah ka ruah. Kha lio ah khan cun hi bantuk thennak cu a ngamh ding na rak lo lo.Lungthiang tein Coca Cola kan rak i cah veve khah. Ka duhmi ti rawl a theithiam bik tu nasi kan ti kha nai cin ti maw? Kha lio ah na rak chim " Na Ka Duh Tak Si Cun Kei Cu Na Ta Ka Si Ko" na rak ti kha
. Ziah! Kan duhtuk ko tung na ka phlih ne? Ka kal taak hlah mu na ti khah ziah nangmah tu nih na ka liamtaak ne?a fiang lomi thaizing kongah chun mang a zaza kan rak manh kha ka dawt. Ziah" phlih ka si hnu ah kan phlihkhawh velo? A ruang" phlih dingin lung kai thleh sin an duhtu ka thinlung a nuar.  Voi zeizat dah na phone kan call i a luh hlan ah ka thah than' voi zeizat dah ka tuarnak hna na phone ah cafang in ka tial i ka delete than na thei lo ka dawt. Ka tangnem ah i thlim in conak biafang na rak ka kheih kha atu ka tangnem chuah taak in val dang tang na pom sin sual kan phaw lo. An duhtu ka thinlung hi sualphawt siko seh mu.
"
"
 Thinlung chungah tial mi ca cu vutcam cung tial mi cabang thli nih favai bang a choih.
A thlum mi na biapin ah ai thup mi na velhle a cotu dingin maw zingnu khauhri khih cia ka si hnga? A ziamh a fawituk mi na dawtnak a cotu ka si hi "  ka lungtha lo.
Atu ah cun val dang tangah na merem canglai. Nai thimmi na lamthluan sin ah thluachuah hmu mi nu si i zuam thlacamnak in kan bawmh lai.


                             








                                                         2015/5/30 Kualalumpur KL.