Rawlei Lai Thlacam

Khrih nih thlacam a kan fial cu pumpak cio nih kan theih dih mi asi ko. Thlacam cu Pathian he kan i pehtlaih nak asi i thla kan cam cu Pathian he kan i chonh, kan i hawikomh a si. Cuti thla kan cam tik ah pathian nih a kan let lo tiin kan lung ader in Pathian kha kan mawhchiat tawn. A poi ngaimi cu Pathian nih a kan lehnak kha kan theihthiam tawn lo hi asi.

Mitampi nih kan ca i an tuahkhawh minak in Pathian nih kan ca ah a tuahkhawh mi a tam deuhkha kan phlih tawn. Pathian duhnak si loin kan mah duhnak hakkauh nak lawngin thla kan cam awk asi lo", Bawi jesuh nih hitin a chim" Nanlak ah a lian ngan bik mi cu nanmah vialte riantu siko seh" a ti. Rawl ei lai thlacam hi khrihfa tuanvo le kan Bawipa nih a kan pek mi tahchunhnak caah asi. Sualnak tilo cu vawlei cung i kan hmuh mi vialte hi Bawipa sin in a ra mi thluachuah lawngte an si dih, Thla kan cam cu a dawtnak a kan pek mi kan hrawnpi asi. Rawl ei lai ah thlacam nak caan hman cu kan tuanvo le kan caan sunglawi kan hmanti asi. Na hawi nih maw asiloah pawngkam minung nih thil an i pek tik ah "Kai lawm" na ti ko lai Pathian chinchin cu akan pek mi thil ah zeitluk in dah kan lawmh awk asi".

Thla kan cam ah hin kan khupbil in caan kan hman mi minit zet kha a biapi lomi asi. Thlacam cu Pathian he caan hman ti asi. Baibal nih "Ngol loin thlacam" akan ti. Achim duh mi cu thlacamnak lungthin ngei ti nak si,thlacam cu hngakchia apa he an um tti bantuk khi asi ko. Tahchunhnak ah hngakchia nih apa kha a duh mi a hal, Cubantuk cun Pathian sin ah kan hal ve awk asi, " tam piin thlacam".

 

 Rawl ei lai thla kan cam hi a thatuk mi asi Pathian thluachuah kan lawmh zong asi i Pathian sin ah lawmhnak bia kan chim zong asi. Pathian thawngin kan nih laimi zong ramkip ah miphun dangle biaknak danghe kan um tti kan ding kan eiti tik ah thlacam hi kan phlih tawn le kan zahpi tawn. Hi konghe pehtlai in laimi lawng siloin khrihfa tampi nih mizapi tonnak hmun i rawl kan ei tik ah thlacam loin kan tette khannak kha kan tthumh. Mi dangnih phundang in an kan hmuh lai ti ruangah thlacam loin kan um tawn kan lungthin kan i thumh. Cucu apoi milak ah apoi bik mi asi.


Ziah kan zumhnak cu kan ngol lai? Hi bantuk mizapi i tonnak hmun thlacamnak nih mi dangkha a bawmh hna i Khrihfa kokek nun zia dawh kha a langhter. Rawl ei lai i Pathian sin thla kan cam mi nih kan fa le kha nun zia dawh a cawnpiak hna i, khrih dawtnak le a thluachuah kha an i fiang. Mizapi hmai i thla kan cam cu khrihfa nun zia dawh kha mi dang hmai ah kan phozaar asi i ai dawhtuk mi nunzia asi, i mah kan thlacamnak nih Pathian dawtnak an hngalhnak dingah lamsialtu tha asi kha phlih hlah usih.Rawl ei lai thlacam cu khrihfa kan tuanvo hrimhrim asi" a hlan na ningzah i na cam ngam lo hmanh ah a tu a tangrih mi kan caan chungah cun ningzak lo tein camcang hna usih.