Mifapa Nun Thattu

 Zaanlei sang ninu liam dingin timhtuahnak a ngei cuahmah cang. Athut nak thlang nelrawn hna cu a cheuchum te lawng ninu nih apen. A thutnak dodan tlanghrawn in a ca-orh lei baan cu a chuan, a cekeh leike todan cungah a khin i cuticun a cakeh lei kut in a cal ai domh buin khua zaza a ruat. Zeibantuk fahnak nih dektlunh sehlaw cu bang a mitthli hna cu dorkhat hnu dorkhat an puut i abiang in a khabe ah an tolh ziahmah. Zohnak in a banhcham pardawh nih a lung akhuai ti cu a fiang, a tumtah mi par hi zeibantuk par dah asi? Hi tlukin mifapa thinlung a hliam hi Pathian hna tal atla hnga mw?...Nilin chorhno an sammi bang uai hninghniang te khin a um zoh ah ngaktah fate bang khuaruah atam hringhran.

 Ninu nih ai tinh mi hmun sinah din loin a kar hlan apeh ziahmah cuticun kualalumpur zaan hna cu lampawng meiceu nih zaan an pen, Laitlang cu sisehlaw thlapa nih zaan a uk hnga. Inn dot sangcung in meiceu colour phuntling nih Kualalumpur ai dawhnak a ianghna cu an thuam. Asia ramchungah a nuam biknak hmun cu mifapa caah an chim Hell ram ko a hluan, a nunnak lamthluan chungah ruahchannak chunmang ngeiti hlah sehlaw alo. Zeiti caan ah a thaw...phu... tiah a chuah tawn, asinain cu nih cun thazaang ape hlei lo.

Nem tein an rakphai mi dawtnak bia hna nih a nun fahnak in a khat mi tthlanmual ah a vui, a nih caah dawtnak hi tuarnak lamsialtu sisehlaw cu bang an rakphai mi dawtnak bianem pawl nih a nun cu fahnak in an tuam. A dai i akik ngaimi earcon tangah a thlanhri pi nih apaih. A luancia caan chung i an tlonlen ti lio caan hna cu mitthlam in a tiam in ai tiam.


A tangchungah um thiam loin a turmi a thinlung nih a tuarnak hna cu mitthli in an phuan i a dawtmi ai ah a chantling nih a mitthli hna cu an hnawhpiak. Rul thah hrulh bang nun sivang in tintling cungah ai lawwng' a hram....Pathian sermi chunceu hin i dinh zong a duh caan a tlawm hrimti lo mifanau, cutin a thaizing nih fahnak he an don rihko lai mu.

 A phone chung i an message hna cu duhsah tein an vun rel a donghnak cem catlang nih a tuarnak hma cu an linhter khun "Ka Phlih Ko Cang A Tuar Ziatu Thiam Ko Usih".. Ziah hi catlang chungah hin a dawtmi nih tuar zia thiam afial ko tung, tuar zia athiam khawhkun lo!

tlotho nih faktuk in a denmi run inn bang biafangkhat nih a hamh mi a nun. A caah mitthli hi  a rawlthaw bik ah an cang.

Cutin" sian lonak mitthli he a phone chung i an photo hna cu delete an si.

Lungthli in ai rak tialmi tuanbia a that zia" A dawtbik mi he vawlei vanram cungah an rakkai bal. Vanva bang tlengkhat ah tthu in conak biafang an rak i kheih bal cu zongcu nunnak lamhar chungah an ziamtho ko. Cucu vawlei phung asi a theih bu ah ziah tuarzia thiamnak pakhat tal aa laak lo? Lasi asi tunglo camh/duaih thiam zong asi tunglo? Ziah fahnak nih hin a nun hi a rolh? Phlihnak nih ziah a hrial zeibantuk par dah asi? Tuarnak hi thlanmual ah vui sisehlaw a tuarnak tel a nem deuh hnga mw?

"

"

"A donghnak catlang ah mati hin ca a tial "Ka Nun That Tu Par"

"

"A dongkho lomi tuarnak lakah tuar zia thiam ka cawng.



    Tuarnak Le A Zaan

Donh mi riit bang futnak hngal lo a vai
Kiangkap hawi zoh hngar in, a cil a dolh chel
A haa-cang ai rial chel- a tah ha-mang ai zel.

Chun zaan a thlei dang lomi caan sin ah
Aw... tuarnak hi dah mu tiin a hram.


Mifanau
A chunmang a mui
A zaanmang tiangin a hram
Cutin,
A mitthli nih reu a tim lo
A hmaiphiak tu ah an cang.

Zaandai a lawm mi thlapa le arfi zongnih
Lawmhnak an pekho hrimhrim lo.
Hi vawlei nun
Thih ngamh in ai hne
Fahnak zeizongza he.

Zaan a tlai sin
A nun sivang, hliamh mi sa bang
Khupthal lat in a zaan an liam.

Cutin!
Khua ruat kho leng nan um lo maw tiah!
A tap, a hram, a thiamchunh tahnak nih
A daih lo tiangin a hram.