Ka Mitthli Hi A Zawn Ruat Laicih

Ka Mitthli Hi A Zawn Ruat Laici

April 14, 2015 at 5:07pm 
Tuzan cu ka lennak in 12;00pm ah inn ka lawi innkhan ka vun luh cu athar ka dak in a it mi Kawikhar nih awchuak loin aka mirh, zeizeizei dah na nih? zeihmanh silo cuh. kai phuhrung ziar ka thil ka thlen hnu ka hmai ka phiahkhawh in ihkhun cungah cun ka kai . amirh aduai hlei lo kawikhar. zeidah cuti rumro cun awchuak lo cun na nih? avun ithawh i ka dua na ka hloh ko kan bihnak hna ah an uicopi nih aka seh lolawng ka ttih tuk i ka lawi diam avun peh rih mi cu tuzaan cu na hnam {kiss}bak lo khah tuzaan cu. Kawikhar ngaitawn nan kan bih ka theih i kai sum hahaha" hawi ih hnu ah kan pahnih in thang emem in kan ni.

      Thaizing zingni ceu dawh nih panhte le mirh buin an kan don, voidang tawn bang kawikhar nih lo lam kal avun ka sawm pah, cuticun nizaan an kan bihnak kong apeh rih cun i
Iangku uar aum nak kongzong khulephak in aka ruah. kan lamcaan a  tawisau zong kan thei lo .Iangku uar aum nak kong avun chim cangah cun athiam meisei nain keimah nih fak ninglaw amak chinchin hnga, zeikar ah lo kan phak manh kan thei lo ti awk in .kawikhar bel kan lo pin an lo lei ah alan.

    Cuticun, zaan lei lolam tlun lai kai ngaihtuk ah lohma chuah hmanh ka thei lo ti awk in . Mangtara kan lo cho ka chuahmanh zong kai thei lo, ka ruahnak ah akhah in akhat ka mitthlam ah chung ceu bang aa chong amirh mi aiang,  ka hnathlam hna ah phlihawk tha loin athang a an thlum . ka dawt kong ka ruah ah hin cun ka riantuan zong zaang atlung khun, cun ka thabat zong ka philh viartawn. tlun caan azaat cun uico lolam tlun bang atlik ngacha in inn lei ah ka chaih , kanu le kapa hlan ah inn ka phan, ka phurh mi ka paiper hmanh kapi cawih ka ngangaan .keimah tein kai thum ,hnawhhnam emem in ka kholh hnu ah kapi nih (mai an) dinhhang an kan so donh mi le fangthar asa cukmak mi thakbere (hmathak) tiin ka ei ka rawl ei hmanh ka ngangkho lo , ka paw akhim le khim lo zongthei huaha loin ka tho .ka kam fawhnak ti cu ka dawt te inn kar le kan inn kar ah ka chak pah rua ti awk in . aruangcu ka dawt len lai ka ngaihtuk . tuni Thantlang akal i (paan aa ziat) kunzaa aka phurh lai ti ka theih .kapa kuak fungkhat ka zual i kuak ceh pah in ka ke nih ka dawt te inn lei ah kaar hlan hram athok ..
       voidang kel bang an in lengah a hawi he an rak thu. BIAKku nih thawng aa tuni cu na tlun tuan ko e? a vun ka ti. ka ngaihtuk mite aum i achaih in teh ka rak chaih cu hee, apeh rih mi cun silai eh na Dl thangtlang akal le zeidek an phurh i siko lai ka lungthli te cun asireng ko ka ti ziar , nain anih alawng ka nih .

   Iangku nih apanhtuk lo mi amithmai in na batuk maw thawngaa?  ti aka hal pah in ka hin rak thu aka ti i apawng teah ka thu. Iangku amithmai adul hmaitonh in aka zoh ngam lo . aba tuk i siko lai ka ti i ka hal lem loh kan mah pahnih lawng kan umtik ah ka hal te lai ka ti i ka chiahziar. tuzaan Iangku pawng ka thut cu voidang ka thut he alo loh, apawng ah ka thu cecua ko. cun aherh ah cun apom zong ka pom tawn. ka tangnem ah nausem bang i thlim in merem tawn ko nain tuni  apawng ka thut cu ka thabat viarte ka phlih dih i ka cei viarte an tlau dih ka nun azaang khun ka nuamtuk ah thut daan ka thiam lo uite ekchuak ko ka lo.
     Tlawmpal capo kan saihhnu ah an inn te lei ah hmunhma kan la zaaan dang bang ka dawt a mithmai a panh lo , na  batuk maw ka ti ah ka ba lo aka ti     na pu nih maw an sik ka tiah sihlah ti fawn .   tlawmpal kan thut ah kadawt muihmuih lai ka ngaih tluk tein ei lai ka ngaih mi (paan aa ziat) kunzaa cu aka pek . ka lawm ka ti lo nain ka mithmai bel nih cun ka lawmhnak anlangh terkhawh ngai men lai .
zaan dang bang apanh lo mi amithmai ka zoh ah ka siarem hrim lo.ziah tuzan lei na meh nih maw na lung an ton lo ? ka vun hal nolh. a mirhpah buin nangmah ah maw na ka rel mehthawt lo cun nangmah lawngteh nuar ahmang mi na siko cu ... A ngeh ti pah in ahmai ah voikhat ka merh.

    Ka dawt amirh mi a iang nih amithmai apanh lo mi bel athup kho hrim lo. voidang ah cun zeitluk i aa manh lo aa tuai hmanh ah aka hmuh cun panhte le mirh buin aka dontawn nain tuzaan cu apanh kho hrim lo.     A totum in athu i akhup cungah alu aa chuan tang lei ah alu khun i khua fakpiin ruat sehlaw alo. cun achel ah meithingthu atuai. zei biadek khi tor le chengin chimh ding ka ngei sehlaw ka lawhter nain ka hal lo.

   Apu tlahtham aabaan i ih zai arel sin. tuchun  ka ruahnak ah akhat i liam mi ka dawt cu ka tangnem ah nausem bang ahung ithlim , aa hmui mi asam thuh rim nih oliv chiti hluan in thawchuah aka sianh ter lo. holh loin sau nawn kan thut hnu ah Thawng na ka daw maw? tiah avun ka hal.
'''kan dawttuk le hme kan pom hi .
'''ka lawmtuk mu thawng kan dawttuk ve.
voidang abia hal abia leh he alo loh. voidang ah cun hi bia hi tam kan chim lo ti awk si, conak kongtu kan iruah tawn nain .
'' ziah mah bia cu na ka hal ?lawmhnak bia cu na chim na phun dang ngai e tuzaan cu ?ro nawn in ka vun ti cu.
A ik mi a aw chuahpah in van avun cauh cu a mitthli nih ahmai atuam . achim mi cu kan sianglo kan then kho lo ti vial achim .

A bialeh loin van ka vun cau'
ka lungah achuak colh mi cu tuni apu he thantlang an kal kha pakhat khat silai ti cu kai fiang. ka thaw fak emem in ka chuah hnu ah van ka cau, ka hmai thikhal an chuak dih, ka thi atlok mi ko ka lawhter . Apu a ih nak in va thawh i zei dah cang tiah va hal ka duh. Iangku hi Apa malay ah aum, i Anu le a nau le pathum Api le pu tiin khua asa mi an si.      Apu hi an pa can bantuk ah adir mi asi.
"" zei dah cang ka dawt?
ka hal mi aka lat hlei lo , na tuarnak na ton mi tete hi ka chim vemu ka bawmhkhawh lo hmanh ah an tuarpi tu tal ka silai .
tlawmpal a vun ihrim hnu ah aka leh mi cu . ka lawmtuk thawng nangmah bantuk aka daw i keimah zong nih ka duhdawt dawtmi an um hrim lo , na ka hal i in chim ko ning nai i malay lei in aka hal mi hna kha ka pu nih atha in aleh cang hna  tivial achim ah adang peh kho ti lo , a hrom ah zeidek i tap sehlaw alo. keimah zong nih hal nolh dingah atuar nak tu afak chin lai ka ti i ka sum.     Ka khuaruahnak chungah ka rak chiah bel lomi bia ka vun theih cu ka lau . ka thinlung ttek tlak mi bang kuai dih aa zal.ka lung amit , ka mit amui ka mal ama ka khuaruah nak an vaivuan . ka thinlung le ka lungtur apeh tlai lo mi le, ka hliah le cang ai sengtlai lo mi an lo.
 ka mang asimaw tiin keimah le keimah ka hal ka sik ka mang asilo fiangtuk in ka hngalh. ka tha auai zeitin ka um ka thei lo. ka ruahmi aphi pakhat hmanh an chuakkho lo.
tu zaan bantuk in ka ttangnem ah um pengawk atha ti lo , hi ka tangnem hi then loin zaam "tlik " pi ninglaw tiah, an dawttuk mi , an izoh thla tuk mi . mifanu zaam pi hmanh ninglaw an dawhthan thiam ding afiang. ma pin ah kan hngakchia tuk rih kum 17 i nupi naih cu ka ruat kho lo, Ka nu le ka pa zong mihmai an khap lai lo. keimah ruangah mihmai ah an mithmai bit lai ka duh lo . ka haa-cang ka rial, ka hnarno RUH aka ttam. aw chuah tuin ttah cu ka thlohkhawh nain ka mitthli cu ka hmai ah an tolh ziahmah ,. zeitin khuakhan awk ka thei lo . ka khuaruah nak thazaang ader, hmailei kong ti ah cun thaizing hmanh ka hmu kho ti lo, Miphun sang fanu co dingin ka semrua lo ka dawt dam tein tian kun usih ti mi hla dah sakko lo ah .
"" Iangku a ik mi aw ttah aw in achuak cang, amitthli nih ahmai akhuh . zeitin hnemh awk ka theihlei lo.

    ziah santlai lo fa ka siruang ah maw kan i dawtnak an thei cukmak ko nain Valdang muihmuh bel lo cu vaat ter an timh Iangku tel nih cun duh seh law aa ning. tuchan ah pacel zong apaw in alar ti lo tiin ka lungthli tein ka zai, ka kuttum ka samhkho lo. ka kam kaa seh i ka thin hi asuk in aa su . ka mitthli nih aka holhter kho lo . keimah santlaih lo nak ihmu loin apu sual ka phawt..
    Cuticun, kan meitoh mi athi dih cang ka dawt bel ngam zairel lo. ka tangah abek peng rih  kan then sianglo ati zongah kan mah pahnih kan i dawt lo ihmuh thiam lo silo in . sunghno nulepa pilepu nih lairel loin nitin zai an rel fom cu. pacan cuh in chim ding biafang hna ka khawm sua, ka hrom ka vun i thenh hnu ah ah . ngamcang ka dawt pathian nih kan caah a tha in khua akhan ko lai ka ti vial ah ka biangcung in atolh mi ka mitthli ka dawt hmai ah atlak ai .. ka biachim adih hlan ah ,
 "" thawng na tap ma ? ttap hlah na ttah ah cun ka celh lai loh '
tlawmpal ka mitthli kai fimtawl hnu ah ,
  """" a herh ah cun na pu zong khup bill in kan nawl ko lai .
 '"" Van avun cau thawng kan sianglo ka pu hmai na khup na bil ding ka duh lo .
""" nangmah kan conak ding siah cun zei dah poi ?
Asi kho lo keimah ruangah kapu hmai na khup na bil ding, bill hau loin alam kan kawl ko lai keimah nih asi khawh nak in ka nawl ko lai. na lung rethei hlah , keimah ruangah na lung retheih ding kan sianglo ati mi bia ka theih cu ka lawm nain kan pahnih kar ah ruahchannak meifaar ka mithli nih a hmih .a sining tak cun keimah ruangah dawkaw hi tuarnak hi atuar ko . keimah rak um hlah ninglaw mah tluk hin alung tthlek hi aharh hnmga lo, amitthli hi atla in angaih achia hnga lo ,

Minung nih hin kan thinlung duhnak lawng zulh i biachah awk
arak tha hrim lo. .

 Van arfi rel cawk lo nih vanlai ah zaandai an lawm tti firuk bor bel nitlak lei ah tilh zai an rel cang. cun, aroh hlan ah thlavaar pi zong tlang aliam lai. an uico bo thawng athang . an iin tang an chiarkhuan zong avoikhat nak khuan hram athok. caan zong aa timh mi hmun sin din loin akal peng . a caan ah cun duhdawt tuk mi zong hi kaltak an rak hau ko kanmah ca'h lawng kan i ruah ah cun asikho lo.  keimah hlan in arak daw i arak cawmtu a nulepa  a pilepu nih cun atha lo lei cun ankhan piak lai lo,  keimah he thih tiang chosang kai tti dingnak cha cun , hi lam hi azulh ah atha deuh suaamau ."KA DAWT KA MITTHLI HI AZAWN RUAT LAI CIH"  na hmailei na na lam tluannak dingle na nuamhnak ding caah thlacam nak in ka bomh ve lai mu tiin .

                             "Ttian Lai  Zaan"

                          Arfi an ttil dih cang
                      A rohhlan ah thlapa tlang aliam lai
                     Ka ttang bel then atim lo.

                         Mifanau
                     A mitthli nih a hmai phiah
                       A ik aw sin
                   Lung ahno, mitthli tiang

                     Ziahhme!
                Tuzaan bantuk hi, ruahchannak ah telh
                   A rak si tunglo!
                Ka dawt
              Ngamcang. vawlei hi sualphawt ko usih!