Thinlung Laksawng Kan Hauh

U Nanghe kan i theih le komhnak hi asau tuk cang ti? Neihniam in kan um ți caan le ngamtlak deuh in kan țhutdir caan hna ah  mi nih amah he khin nan i duh akan ti tawn, nangzong an in ti lengmang ve ti ka theih! Sinain nang nihcun a thianghlimtuk mi hawikom dawt tein naka komh i naka dawt, keizong nih kan komh tuk ve cu na theih ko silo ma?. Thinlung lei pehtlaihnak ahcun kan thiang. Atu ahcun ka thinlung nih an tleihchannak hi ka theih lo kar ah afek tuk cang ko rua. Na pawng ka um ahhin umzia hi ai thiam hrim tilo,  thinlung zong hawikom sinak lengin rian a tuan caan a tam cang. Cucaah ka umtu hoiher tel hin vun hmukho tawn law ti khi, ka caah laksawng sung siko hnga.

Na theih veko siloma  Dl he i chat nakin kan uar mi hna he i chat a nuamh deuh anti tawn khi, keizong Nangmah sin in Piangkum voikhat ''Good Morning" ka don tawn khi a sunglawi tuk, i nolh lengmang khi ka duh,i ka nolh peng fawn. Thantling nakin a thlum deuh tininglaw ai sengtlai lo na ti men hnga! Cu nakin a thlum deuh rih micu, kan unh i naka hnemh caan khi ka phak ballo mi Vanram fate pakhat btk in a nuam. Hawi le hna ''Good Morning" timi biafang  nan dawtmi hmurka in a tlawt caan ah a thlumtuk veko lo maw? Siloah'' keimah sinhin dah a thlumkhun hnga. 

Na laksawng cuan in

Atu cu ka chuah-ni phak lainak ah ni-nga lawng ai duh cang. Na sinin chawva dih in Birthday laksawng kai ruahchan lo, a hauh zong kan hau lo. Asinain na thinlung kan hauh! Vawlei thil cu nangmah nawl peknak loin ka ngei khawh hna nain na thinlung cu nangmah nawl pek loin ka ngei khawh mi silo, cucaah ka tlaihchantuk mi na thinlung cu kape ko mu, na sin in na thinlung pakhat te kha kan hal, pakhat taktak te lawng khi asi ko. Cun mu! bia pakhat tein hal kan duh, na sinah laksawng a phanhtik ah  na khirh bal hna maw?  Na khirh bal hna lai ka zum lo. Kan phanh laiding March 6 Ka Birthday nikhin "Kan duh" timi biafang pahnih te hi chim law aka khirh lai tiah na ruat maw? Hodah laksawng cu a khirh bal hna ti? 

Kingh hau loin on cia asi mi ka thinlung nih mithram fak in an hngah ko mu

Ka U.

By- Elizabeth Biak Mawi Zaathang

❤❤