Kum 21 tlinnak

Petu hawikom cungah kai lawmtuk👏

A hmasa bik ah Zeizong vialte sertu ka Pathian cungah kailawm, hitluk misual hmanh hlaw loin aka zohkhenh i thluachuah relcawk lo a ka pek hlei ah damnak tlamtling a ka pek. A mah duh ningin second pakhat te hmanh ka um khawh lolio ah Kumkul  in kul le khat  leiah a kut nem in lam a ka hruai i tuzong dam le lawm tein kum21 Chuakcamtuak aka phak ter than caah sunpar lianngan nak vialte cu ata si zungzal ko seh! 

Aka hringtu Sunghno kanu le kapa cungah kailawm, Kanu aka pawi lio zeitluk in dah harsatnak a in lai mu, (Genesis 3:16)- Keimah cu ka tuar bal rih lo nain Kanu nih thlankhur hram ah dir in a ka hrin ticu ka theih. A hlei in Laitlang Khuate nau ngeih ko khi ahar laining mu. Khua kan rak um lio Kani Nau a rak ngeih lio ah arak tah bal ka theih. A pawfak tuk acelh lo tikah Cutluk fa ngeih har cu zeitik hmanh ah ka ngeih ti lailo arak ti ka theih bal. Chim duh micu kha tluk ahar mi lakah kanu nih vawlei i  niceu dawh tlan kho ve dingin a thisen tampi le a thazaang dih lakchuah in a ka hrin tikah lawmhnak a ngan i Upat nak ka pek. Vaute Niruk (06/03/1996) Nithum ni ah fahnak vialte tuar in Kanu nih arak ka hrin. Ka min ah Elizabeth Biak Mawi ii tiah anka sak! Ka chuah ka in kanu kapa nih Nilin ruasur lakah tlang lothlawh tein an rak cawm mi ka si. Sianginn an rak ka kai ter, mucu (Kindergarten) in ka thawk i tangruk tiang ka rak kai manh, Tang sarih kai lai te ah Malay kal kan rak i thawh hi asi. Tuanbia bang vunchim lawlaw ahcun Kapa nih hin ka hngakchiat tein Malay ah a rak kan kal tak, Kum zeimawzat a um hnu ah Kanu le Kanau le pahnih arak auh hna, asinain kei le Ka U bal kan rak  tang. Kan hmai i a kal cia Kanu le kanau le nih tanglam kal a harzia cu rak i fiangtuk cang hnakaw an fanu pahnih  nih temtuar ve ding a kan sian lo caah ka U le keicu cungin an rak kan laak. Hihi ka ruahțhantik ah a thar in kai lawmțhan lengmang.  Ka caah mithmuh ka Pathian cu kanu le kapa an si i a donghtiang ansi zungzal ko lai.  Nizaan te i ka kaltak mi kum 20 chung  ka lamthluan ah kan innchungkhar lawmhnak kapek khawh mi um lo asinain ka chungkhar nih anka dawtnak hi ttial ahcun hmurka le  cafung nih a daih dingkhi silo i a țial zong kan țial cawk lai lo. Cu an ka dawtnak cu Pathian a thluachuak chungah ai hngat dih mi lawngte an siko. Kei nihcun an caah thlacampiak khi ka rian siko, a zungzal in ka chungkhar Kanu Kapa, ka U kanau, Pathian nih thlua in chuah hna seh.   A thluachuah relzia athiam mi an siter camcin  hna seh!! 

Ai dawhtuk❤

Hawikom sin in hmuh mi laksawng👏

Ka Chuahni tak cu nikhat ni he ai tong.  Rian le khai lakah Sianginn kai mi zong an vun i phua, cuticun manh lo cio asi i caan i pek hi a fawi lo taktak mithil asi. Keimah lila hrim rian ka off kho lo i riantuan ka hau. Cucaah  a ka daw i ka tleihchanbak ve mi hna ka hawi le Damiah Group (Zarui Group) Sinah ca ka ttial hnu anmah Khuakhan nakin 04/03/2017 Zarhte Zaan ah tuah siko seh timi biatung kan dirh.  

Damiah Group lakah pawpuar ai zuammi zong kan rak um ve!

Kai lawmtuk, Pathian nih thlua i chuah hna sehlaw

A lamkip in țhanchonak inpe ko hna seh.

Kan biatung bang chun 1:00 hrawngah Aro Pi, Biak Hlei, Aatin Hmung le Cin Sang, Je kai dingah hliphlau ngai in kan inn an rak phan cang asinain keimah lila kai manh rih lo, cucaah anka hngak😐 Cin Sang nih Driver akan tuan piak i herh bau zalh ah dara kan i thawh tiah, Aatin Hmung a Buhri ciammam kaw a lamkal zohkhawh siti lo. Cu lawnghlah ei kong lawngte an ceih mi nih ka rawl an ka țamter ve. Cuticun ''Thuan An'' timi Restaurant ah kan ril kan vun i rawn pah hnu ah a dangdang a herhbau mi zalh pah in-inn leiah kan Driver pa nih a kan tin pi ziahmah. 

Ai dawh mi pathum✌

Kan inn kan hung phan, BBQ rawhnak ding Gas, Meihol, a herh mi dangdang timhtuahnak in hmunhma kan vunla țhan. Cuti tecun kan mah le kan tuahkhawh tawk rian cioah kan Busy cio hna.  Aro pi zong kan dum chungin Soundboard aw thang ngai he  hla an rak sa ți.  Caan rau lo ah U Pahu zong rian atin nak in a bat hmanh damh manh hlan ah a thawchuah thawng zeimawzat he a rak kan fuh ve.  

Kei le zai khi cu hawikomh  Melbourne pi theih siko i mu. Atoh na tuah a tlawmtuk, BBQ nan rawh tlaituk an rak phan cio lai i an i zaa lailo tiin sik awk hi a kawl mi ko ka lo. Anka bawmh hlei ah ka sik, ka cak, ka khawk pah hna nain ka biael cu chim lo an mitcung tang hmanh an țhial sual lo. Ka zoh hna ahhin ka zaang an fak than, asinain ka ngaithiam uh ticu ka-kaa cun chuak duh bak hlahteh. An caah zei thathnemnak hmanh a chuahpi bal lomi keimah cungah hin mati hin an țhat i an ka dawt hnga ti ka ruat. Dawtnak tein U Pahu le Aropi nih BBQ a kan rawh piak i anmah muici  in an kan rawhpiak caah a eitu dawngte an i lawm i a hlei in lawmhnak kut ka vungbengh țhan. Chun nitlak Ka herh bau vialte tlam atlin ter tucu nan mah pahnih nan si ko.

Petu Aa Nawl le Biak Hlei cungah 

kai lawmhnak a ngan hringhran!

Ka uartuk mi Rose✌

Damiah Group cu aka theihthiam mi lawngte, Eli a ung sual lai tiah ka duh aka zulh peng tu, ka herh hna ah ka bia el aka siang lo tu, kan tlaihchantuk hna. Pathian sin in ka thluachuah  hawikomh tha nan si. A fa bik dirhmun in Salam kan pek dih hna. 

Ka sawm mi hna hi an tampah ngai, ka ruah nakah minung 50 (a tlawm/tam deuh kho men) hrawng kansi men lai ka zumh! Cheukhat  cu an phan tuan i a tin than cang mi zong an um. Kanu Chinchin nu (Kanu U) nih tunai kha Motor hlan ah ara i rakra ve te tiah lungtak si lem loin hmaikhah loin aka sawm ko nain ka ra ko hih tiah kanu ati, kanu nih "Eih kanmah zong akan sawm ve lo" 😂tiah a leh khi ka innkhan in ka hei theih hna, keimah tu ka nih phuhlut kai rak thloh. 

Zeitin an ti😐

Saphu hmu😐

Kahawi le lak an nunzia in kai zohchunh mi Roxana Sawmhal le Anusung Zaathang an mui ka hmuh hna lo caah, kan mit ah an bautuk. Cucaah ''yiah annih tah? Kati cu an ra lailo tisi, "Fake Friends" ra hna hlah seh, ka fih hna,ka thinhung tuk. Phone ka chonh hna lai ka ti ka phone ka kawl ka hmu ngelcel tilo. Ka khan ka va kal innkaa ka nam cu an rak nam ve le ka kir. Inn leng sau nawn ka țhut. Cu hnu ah Kanau Bethshe nih a rak ka auh, ka khan innkaa ka vun on bakin ka hmai anka huh ko. Caan tlawmpal an ka huh hnu ah an vun on cu kakhan chung cu dawhtuk in ai rak i tamh, keimah lila ka mangko lo, ka khan hna kai palh hnga maw titiang ka ruat, cu tluk dawh cun an rak ka țamhpiak. Keihi vandum muici (bark blue) a duh cemtu lakah a duhcem tu hmanh ka sila ka uartuk. Ka ihkhun ah laksawng ruahnak nih a phak lomi tiang an rak chiah ka hmuhcu lawmhnak  mitthli an hai, i an mah put in an put. Zei biachim dingkhi lungthin nihcun theih hmanhsehlaw hmurka nih a va tlinh hnga lo.  Rose timi biafang lawng ka chimh khawh. Rose nih ai dawhtuk mi mirhfang he,  kha'' na laksawng cu zoh cang tiin avun ka fial miko a lo.  Brand ngeih mi lawngte si hnakaw a phoh lai hi kai ngaihtuk hna. Nike, Novo le Adidas, Nude Makeup brushes lawngte si tikah anmah nihcun an ka cawkpiak khawh lai hi zaanmang hmanh ah ka manh ballo mi si caah a tak zongin ka zumțhiam lo. Nike ka on hmasat cu Muthai khat dilhdalh, Novo seh ka vun ti ka bra pakhat (bawli) an rak sanh ai.  Adidas ka vun on cu bra lawngte pathum an rak sanh hoi aih, aka nuamh ter tuk eh! Khah Na Birthday cake kuai cang an ka ticu anmah kutzung tein Apple le hachoih nakin sermi te khi si, duh a nun ningcu ka laksawng lakah kai lunghmuih cem i kanu zong nih a uar cem ve. Cun Hmantlak tarnak (Album) te ah ka der lio hmantlak pakhat an tar. Zeitik kan inn an rat i  zeitin an lakning ti zong ka theih lo.(hlen ka fawituk caah simen lai) Rose nih Ellie Innkaa luh cun nakan hmu sual lai kanti le Anusung he thlalangaung in dakaw kan rak kai i ka thlan chuak dih cu ati😂. Adang laksawng punghman khi siko, nain anmah hicu an laksawng nih aka nuamh tertuk i ttial loin ka um kholo, an idea zong atha tuk. Zeitindek an birthday tik thluak ka chuah vete lai ti atu tein i ruahcia ka hau. 

Kehlei! Roxana Sawmhal, Orhlei Anusung Zaathang

Nan pahnih cungah a hlei in 

lunglawmhnak kut ka vun bengh👏

Roxana Sawmhal kutzung ai dawhtuk

Kai lawmtuk fawn

Lawmhpi tu hawikom cheukhat

Hla kan chuah pah i Ka U Ruby, Tha Mang, Chin Chin, Pawki, hi hna pali nih an kan lampiak nak thawngin tutan ka birthday cu a lumsa tuk. Hla phuntling an chuah an lam, anmah um hna hlah sehlaw um ahar mi kan um lenmen  hnga nain kan mit nih a zohcim hna lo i kan hmur nih a mirhpiak cawk hna lo. A kan nuamhter khotu! Kei le bang nih ka zuam thlakthlak he  ka nih tuk nakah ka thau zual siloin ka hrom zong fak viar. Voikhat te hmanh mitțhep siang loin ka zoh hna! Zeiti chim khi ka thiam lo, an kan lampiak mi nih kan thlarau a tlaakter i kai lawmtuk tiah ka nolh lengmang ka duh.. Anka nuamh pi pinah kutput te he laksawng aa ka chuahtu  hawikom cung zongah  kailawmh tuk hringhran! Mirang nih "time si money" anti bantuk in laksawng anka pek cu kailawmh ko ee. Cu nakin an caan sunglawi tuk mi an van ka hromh caah kai lawmhnak a vun sangkhun. 

A kan laam piaktu hna

hnutler in! Ka U, Ruby Mansung, Tha Mang,, Pawki

Hmaitler- keimah, Chinchin, Ceuțha

Ka Kum lawng a Upa i thinlung tucu ai Upa kho hrim lo, lungfim zong khi ka cu tuk cang ko eh! Lai lei ka sianginn kai tti hawi hna cu bohnih thum dawh an i benh dih cang cu, cu lak i keimah 🙈 

Awtha Jenny nih hla a kan sakpiak lio

Ai dawhmi lawng nih

camera kan zoh. 

Nikum November thla New Zealand ka tlawn lio ah Thailand Restaurant nih Birthday an rak ka tuah piak chungcang, an i ngeih tuk cio rua  ka chuahni tlin hlanpi in FB timeline ah wish tu pathum pali an um cang, ma nih cun "Wow kahawi le nih anka dawt tuk hita" ti aka ruah ter. Ka chuahni Zingka thawhphak ah Wish pe tu an tam ngaingai i Kailawmh tuk, wish aka pe mi vialte nan cungah lunglawmhnak tampi ka ngei, nanka wish mi kip leh kan duh ko hna nain a tamtuk tikah cheukhat cu Ka hmu kho ti hna lo i ka ngaithiam ko uh. Dawtu hawikomh tampi kan ngeih hna hi Pathian thluachuah nan si, nan zaapi cungah kailamwh tuk!

Nike bawm chungin

Muțhai

Lawmhnak mitthli a hai

Hawi lawh ve lo hrat cu Wedding ee bla bla ee kanti kho ve lole, Kumchiar Birthday peng i sawm siko, nan hmaikhah zong si ti ruam lo, Hmaikum leicu ka dam ahcun Birthday si ti loin Wedding Invition card nan hmuh khawh nak hnga thlacam ka bawmh ko ne uh! 😂

Ngandam ko ahcun kum 21 hi chikhat te lawng site ko lai.

Kum 22'' phanhțhannak dingah a kutnem in a ka hruai lai timi ruahchannah he. 

Elizabeth Van Biak Mawi 

Forever 21✌

Thank You' II❤