An Duhtu Tak Cu Zeibantuk Dah Asi

Minung nih hin kan dawt timi bia hi a chim kan i fawih tluk in dawtnak taktak timi hi kan rak ngei tawn lo. Cucu a caan le sining ruang a cang mithil an si tawn. Mi zeihmanh hi lihchim lo kan um lo, kan dawttuk mi cung hmanh ah khin lihchim a herhnak caan a um țheo, ma balte a ziathiam in lihchim zong thiam a hau, a za zawn zohthiam a herh. A hlei in nungak/tlangval i duhdawtnak kong ah zapi nih kan i palh tawn  micu ho hi dah a ka duhtak tu asi  i, mi zeidah a ka dawtak tu asi,  timi zohnak cuaithlai kan i palh tawn. Cucaah  velhle bia fangkhat ruangah ngaihchia lungkuai in  mitthli he ai ciah mi kan tlawmti lo. Cuti a can nak a ruangcu nangmah nih cuaithlai nai rak i palh ruangah sisual hnga maw. Asiloah caan tam deuh la ta loin   na thinlung innka an kingtu   pakhat sin in  kutka na on colh ruangah sisual hnga maw? Tlangval pakhat nih na thinlung innka a kinghtik ah zeitluk na duh mi tlangval hmanh va sisehlaw caan tampi na laak piak hau, fimkhur tein cuai thlai thiam a hau. Hi ruangah an kir tak si ahcun velhle timi i thlahphoihnak in ka luat tiah nai lawmh ngai ding asi. 

An dawtu, zungzal cain an duhtu taktak nih zei btk biapawl  pawl dah a chim i zeibantuk ruahnak dah a ngeih timi cu a tanglei ah vun zoh hna usih.

❤An duh taktak nihcun a caah a țha mi nak khan na caah a țha mithil tuahnak ah thazaang an pek deuh peng lai. Asinain na palhnak ah an si lai lo, i remh ding tuin ruahnak tampi an cheuh lai. Zaankhat nangmah lei kap na tlamtlin lo ahcun zaan hnih  lungțhat loin a um kho. Cucu na theihnak dingah na pawngte an umpi khawh lo zongah Message in thawngpang an hal peng lai, cun a chelcaan ah philh na duh cangmi na tlamtlin lonak kha nan bialak ah tanh in ai nuam cang maw ti hngalh duh ah a thil tein an kirpi tawn lai. 

Cun'' nai nuamh locaan ah siseh,'' na dam lo, lungdong vansang in na um caan ah na caah a țhabik thazaang peknak biafang a kawl penglai. A hlei in Baibalca an kau piak lai i a thinlung ruahnak dihlak chuah in Baibal biafang he  thazaang pek an zuam lai. Nai hngilh hlan lo an hngilh tak lai lo, na țhut chung an țhutpi lai, a cakuat na reply lo zongah thazaang peknak biafang cu na Message kuangah a khat țhiamțhiam lai. Hi btk thil na ton caan ko ah hin zeitluk in dah ka dawtnak ka hmual ka langhter khawh lai i a caah ai nuamhnak ding ka tuahpiak khawh la tihi a rian biapi cem ah a chiah lai. Asinain an duhtak lomi nihcun ai hngilh caan teah ''Mangțhatuk, Dam Rak I Zuam Mu Dawt'' anti lai i an hngilh tak meiko lai. Cucu a thlum ngai mi bia lo mi ahcun a rak awrta-rok tuk mi dawtnak a si.

❤An duhtu tak  nihcun zingzaan na thiltuah kong theihpi an duh pengla, na chimh tik zongah lungsau te le nuam tein ngaihpiak khawh an zuam lai i thazaang pek hauh ah an pek lai, conglawmh hauh ah an conglawmh lai.  Cu na thiltuah fate na chimh mi kha a nih caah a rak sunglawituk mi thil pakhat si lai. Zing na thawhka relding ah'' Na thoțha maw Dawt,, Mangthaw te he rak tho mu ''asiloah'' tuni nuam tein caan hman rak i zuam mu '' timi cakuat Send khawh ai zuam penglai. Cun'' an mirhter khotu ding biafang na message kuangah chiah piakkhawh an zuam fawn lai. Asinain zaan ih lai i mangțhacah na philh tawn ahcun asi khawhnak in philh ti loding ah an fial lai.  A theih hngalh le a hmuhton vialte a sia an herh lai, hmuhter awk tha micu video zongin an share lai i hmanthlak zongin an kuat lai. Cucu a kal umnak paoh ah a thinlung ah na um peng timi hmelchunhnak langhtertu pakhat asi. 

Cun'' carel an fial tawn lai, cauk pakhat a relmi Tlangtaar an chimh penglai, a mah nih a țha a timi cu asi khawhnak chungin relter ve an duh lai, a sikhawh lo hmanh ah a rel mi cauk nih a kal pimi sullam(biapi)kha  chimh/fianh khawh an zuam lai. A hlei in Baibal carel ahhin thazaang an pek lai, a relmi Baibal cacang chung zongin an Share tawn lai. Na caah caan pek hi a ui lai lo asinain nan i duh hlan ah caan rikhiah a rak ngei maw timi theih i zuam ve. Cu i rikhiah mi a rak ngeih si ahcun cu rikhiah nak cu cohlan piak in hrial deuh i zuam ko. Cu na theihthiam locun a caah țhanchonak dawntu hrik pakhat na sisual kho. 

❤Vawlei ah minung hi  7Billions renglo kan um,    Cu ruangah khat le khat i theihthiam lo timi hi a um lengmangnak asi . A hlei in nungak/tlangval kar ah i theihthiam lonak ruangah țang ai țhen mi hi an tlawm ti lo. Nangta na duhtak mi minung pakhat khi theihthiam lonak pakhat te ruangah zungzal hlaat na siang lai maw. Na sian ko ahcun na duhtak lo tinak si hnga. An duhtak mi nihcun na caah a tlingbik pasalțha/nusalțha si ai zuam penglai. San£ a tlaih lo ai theih ko buin san a tlai kho ding si ai zuam cecua lai. Chikhat lung i hmuhthiam lonak, bia i el nak ruangah  a mah zong asung ai pe ko lai. Cun an dawttak ko ahcun chikhat lungfak in an ciah ding kha an ruahpiak kho lai lo ii a sungh pek kha ai nautet hrimhrim  fawn lai lo. Asinain na lungdam tik ah a sikhawh chungin na bia-el nak kha aphi chuah khawh in hrilhfianh an zuam lai.

Cun'' na dawtmi nih tuanbia an chim bal maw? A hauh teh na hau bal maw. Hi pawl hi i duhdawtnak ah a biapi lomi lo nain a sunglawi ngai mithil pakhat cu si ve. A mikip nih tuanbia ngaih(theih) cu kan zuam dih cio lai dah cucaah a sunglawikhun nak pakhat cu a si. Na hau bak lo nain an chimh cu timh ciammaam tein a ka chimhti thei law i lunghmuih ko, dawtmi pakhat phone chungin tuanbia chimh timi a fawihar cu nangmah chimhcaan phak in na theih vete lai. 

❤An duhtak mi nihcun a mah ai manh le asi thiamcaan paoh ah ph an call lai lo. Ph an call hlan ah ''Dawt, cutik cucaan kai manh lai na sithiam ahcun kan call te lai mu'' tiin ca an kuat hmasa lai. Hiti anti hi na rian an  upat piak lawng siloin nangmah hrimhrim an upat tuk ti lang. Asinain nikhat ah nazicheu chung chonhnak caan nan ngeih tawn mi caan teah, nai manh lo ii cakuat na reply khawh locun ruah lo piin an call ko lai, cucu ph na tlaih piak khawh lo zongah an theihthiam lai, nain nangmah nih ph na tlaih piakkhawh lonak a ruang nai manh caan teah na chimhțhan ve a hau tawn. Ruat cukcak loin ph an call mi na tlangval cu nangmah caan an upat piak lo asi pinah a mah le a mah ai upat lo asi.

Pehthan ding