Sihpi

    I Thangh Zaan Salai Thawng Ceu Velhle dide in kai hlau ka vawlei bite chirlung lau ruahchan mi covo a rak dau ka zaan mitthli lam a kau. Na thawpi na chuah sin Na bo, na hrang, nai vo nangsin ruahchan mi huatnak  pakhat  men. An cat fingrei, khua zong a dei huatnak na dil, dawtnak na bil Khi țang a mil kei sin na pil. 13/03/2017 

Petu hawikom cungah kai lawmtuk👏 A hmasa bik ah Zeizong vialte sertu ka Pathian cungah kailawm, hitluk misual hmanh hlaw loin aka zohkhenh i thluachuah relcawk lo a ka pek hlei ah damnak tlamtling a ka pek. A mah duh ningin second pakhat te hmanh ka um khawh lolio ah Kumkul  in kul le khat  leiah a kut nem in lam a ka hruai i tuzong dam le lawm tein kum21 Chuakcamtuak aka phak ter than caah sunpar lianngan nak vialte cu ata si zungzal ko seh!  Aka hringtu Sunghno kanu le kapa cungah kailawm, Kanu aka pawi lio zeitluk in dah harsatnak a in lai mu, (Genesis 3:16)- Keimah cu ka tuar bal rih lo nain Kanu nih thlankhur hram ah dir in a ka hrin ticu ka theih. A hlei in Laitlang Khuate nau ngeih ko khi ahar laining mu. Khua kan rak um lio Kani Nau a rak ngeih lio ah arak tah bal ka theih. A pawfak tuk acelh lo tikah Cutluk fa ngeih har cu zeitik hmanh ah ka ngeih ti lailo arak ti ka theih bal. Chim duh micu kha tluk ahar mi lakah kanu nih vawlei i  niceu da...

Thinlung ruahnak hna ruahchannak nih an țilhtak hna ahkhan  lilen nak thlankhur panh in Zuuhrai na banh  sual maw? A nih cu khi țangah a ngam cang na mitthil hulter cang mu Salai. Ngaihnak hna kha bil cang tlaihchannak hri chat cang dawtnak hna kha  fim cang na thlacamnak in a min hlaw cang A nihcu mitthli Biazai ci vorhtu men asi. I hrim, tho law kal na peh rih ding nun zalam asau a thlum mi diary tial in  biafang deu um lonak iangah  a kiak mi na thla pehtonh in a nih he ai hlaat bik chunmang manh a nih cu velhle an kheihtu asi kha.

U Nanghe kan i theih le komhnak hi asau tuk cang ti? Neihniam in kan um ți caan le ngamtlak deuh in kan țhutdir caan hna ah  mi nih amah he khin nan i duh akan ti tawn, nangzong an in ti lengmang ve ti ka theih! Sinain nang nihcun a thianghlimtuk mi hawikom dawt tein naka komh i naka dawt, keizong nih kan komh tuk ve cu na theih ko silo ma?. Thinlung lei pehtlaihnak ahcun kan thiang. Atu ahcun ka thinlung nih an tleihchannak hi ka theih lo kar ah afek tuk cang ko rua. Na pawng ka um ahhin umzia hi ai thiam hrim tilo,  thinlung zong hawikom sinak lengin rian a tuan caan a tam cang. Cucaah ka umtu hoiher tel hin vun hmukho tawn law ti khi, ka caah laksawng sung siko hnga. Na theih veko siloma  Dl he i chat nakin kan uar mi hna he i chat a nuamh deuh anti tawn khi, keizong Nangmah sin in Piangkum voikhat ''Good Morning" ka don tawn khi a sunglawi tuk, i nolh lengmang khi ka duh,i ka nolh peng fawn. Thantling nakin a thlum deuh tininglaw ai sengtlai lo na ti men ...

Minung nih hin kan dawt timi bia hi a chim kan i fawih tluk in dawtnak taktak timi hi kan rak ngei tawn lo. Cucu a caan le sining ruang a cang mithil an si tawn. Mi zeihmanh hi lihchim lo kan um lo, kan dawttuk mi cung hmanh ah khin lihchim a herhnak caan a um țheo, ma balte a ziathiam in lihchim zong thiam a hau, a za zawn zohthiam a herh. A hlei in nungak/tlangval i duhdawtnak kong ah zapi nih kan i palh tawn  micu ho hi dah a ka duhtak tu asi  i, mi zeidah a ka dawtak tu asi,  timi zohnak cuaithlai kan i palh tawn. Cucaah  velhle bia fangkhat ruangah ngaihchia lungkuai in  mitthli he ai ciah mi kan tlawmti lo. Cuti a can nak a ruangcu nangmah nih cuaithlai nai rak i palh ruangah sisual hnga maw. Asiloah caan tam deuh la ta loin   na thinlung innka an kingtu   pakhat sin in  kutka na on colh ruangah sisual hnga maw? Tlangval pakhat nih na thinlung innka a kinghtik ah zeitluk na duh mi tlangval hmanh va sisehlaw caan tampi na laak piak hau, fi...