Mirh Zaan

A tlai ngai cang

zaan ih lai ah kuakzuk a hmang tawn mi ka si caah Innpi leiah duhsah in ka kal i  thlalangaung ka hram i ka chiah mi kuakdap chiahnak pakhat ka laak hnu ah  vaamtlangah ka chiah mi kuak fungkhat a bawmchungin ka zuh i fak nawn piin ka bak, thlalangaungin lenglei ah a khu kal dingin faknawn, siallaih khin ka kuat khu cu ka chem.

Kan inn thlang i  ngakchia chinlung(paihcaw) an bengh tawnnak, lente an i celh tawnnak,  au thawng le vio thawng nih a rak zelh lengmang nak hmun, hi zaantlai ahcun mithi khua fate ko a hluan.  Cu bualrawn ramhring cung in a elekțrik ceu zong zaanguai ngai in a rian a domh ve. Duhsah tein a hrang mi thlizil nih ramhring tete thui ziahmah in a har hna khi sullam ngei ngai sehlaw cuko cu a lo. Kan inn in ai hlat ngainak i a dir mi Shopping innsang pi zong thlapa ceu nih a kah i dawh ngai in a lang.

A king zeithawng hmanh theih ding a um lo.

"Ting' tiin a ring mi '' ka it cang lai, Mangțha'' timi messengers thawng nih ka thinlung innpi cu a vun hninh.

"Mangthlum te manh rak izuam mu'' ka ti.

Ka lehmi  cakuat zongzoh loin
a line a off diam. Va zoh hmanhsehlaw a caah a thlum lo ding le zeipi ah a rel ding khi asi lo. Nain kei nihcun sullam ngei tein ka cah tiah kai ruah ko.

Ai rak i ngamhtlak ngai mi, hawikom zoh(chawnh)in a ka chawn tawntu Ester ka thinlungah hmunhma na laaktuk hi na thei maw. Kan duh inti ninglaw nai zumhkhawh loding le na khuaruah harding khi ka theih ko. Kan i ngamhtlak tuk lungin ziah na sinah dawtnak biafangkhat chim hi matihin kai herh hnga.

"Ka khuaruah sinah kuak fung zeizat kai dawp manh ka thei. Ka khan leiah ka lut, ka ihkhun cungah kai hlonh. Cun' ka phone țhiam ka banh i cakuat țial kai tim. A ngaingai tiko lo, a mah a Online lioah chimh ding siko nain zeitin a ka leh lai timi ka ruah ah ka ngamh lo. Ka duhnak cakuat capo awsaw in a rel ding zong ka siang lo.
Asinain tuzaan cu a ih kar 12:08AM  a inbox ah matihin cakuat ka țial.


Ester kan duh---
Kan duh taktak ko!
Hi bia ka chim ruangah na ka huat ding ka țih. Cun' hawikom sinak in na ka hrial ding ka țih fawn. Na ka huat zongah hawikom sinak cun na ka hrial lodingin kan nawl cia mu. 

_Boyfriend zong na ngei cang ko lai asinain cucu i philhter in kan duhnak hi kan chimh asi. Na ka duhkhawh ve nak ding lam umlo asinain zeitindah ka duhkhawh ve lai timi cu ka ruahpiak law kai lawm ko hnga.

Tampi chimh ding kan ngei rih nain, ka cakuat na relnak i na caanpaam sual ding kan siang lo... HI VIAL" KAN DAWTTUK❤❤❤


Tiin ka kuat, ka phan cemmi cu a ka duhkhawh ve lo zongah hawikom sinak in a ka hrial lai ti hi ka țih cem. Cun' dawtnak in a mindin auh zong ka thiam lo, ngakchiat tein rak auh tawnnak min asi caah thiam hmanh ninglaw aiziak ve loding a fiang.

Ka caah thaizing nih bia a chim lai ka țih, a ka nih mending zong ai thei.

'9:08AM' a thawhka si men lai.

"Kai lawm''

timi cakuat ka messengers ah a rak lut.


Ai lawmhnak ding sullam ka thei lo nain zeitin a bialet ning ti ruahtonh awk ka hngal lo. A hlan ah 'Dawt' tiin kan auh lai ka rak ti bal, asinain, na zei lung hmechuak, na dawt maw ka si le!  a rak ka ti bal. Atu cu ka chim cang mi biafang sinah ralțha tein ka bia ka domh.


"Dawt, tiin auhnak nawl cu ka ngei cang maw?

" Na duhtak maw eih?

"Duh lomi na hal bal ve hna maw, ka duh ruangah kan hal, Duhtuk.

"Ngah ko, ka au ko''.

"Kai lawm' dawt.''


Zarhteni zaan nazi pariat le minit pathum ah a voikhatnak dawt tiin auh nak nawl ka ngei. Hi tiangah  ka duhnak hi Capo sawhsawh ah a relrih ticu a cakuat tial in ai fiang. Asinain dawt tiin auhnak nawl ka ngeih mi nih ruahchannak thazaang zeimawzat an rak țhawnter.

Cuhnu cun ka bia kaltaak in a dang deuh tete in bia kan i ruah. Atu tiangah boyfriends a ngeih le ngeih lo ka hal rih lo, a ngeih zongah ka duhnak ka chimh micu ka palh ah kai ruat fawn lo.

"Bia pakhat in hal kan duh, ngah maw?

"Aw.. ngah ko'

"Boyfriend, na ngei cang maw?

A tur ngai mi lungthin he.

"Ngei lo anti ninglaw na ka zumh hnga maw, ka ngei lo.'' A bia  peh ah, ''Dl ngeih ka zuamti lo. "


"Ziah' dl ngeih zuam locu, a ruang chimhawk tha maw?

" An ka neng, an ka simh😃


A tur ngai mi lungthin he phuhlut ka mirh kai thloh, a ngakchia ngai rih mi cakuat tiin😃


"Dl- nih simh zongcu a um kho le maw?

"Keimah ka ziachiatuk i siko.

"Ai sengtlai lopi.

"Ai sanko, ka ziachiattuk kha na philh maw?


Ka lungthli te cun ka philh lo ka ti. Kan ngakchiat liocun a zia cu a rak chiapah tak cu mu😃 Atu cu kumpi kum sarih renglo kan i hmuh lonak a si cang. Zeithil paoh ai thleng lai ti zumhngamnak ka ngei.

"Kan theih ko, in thei hlah ninglaw kan duh kho hnga lo. Zachiat cu pumpak lungthin ah ai hngat, i sumkhawh si.

"Heee''

tivial lawng a ka leh, cakuat dang țial ai timti lo caah kan biaruah a dir ding asi.


"Bia pakhat in kan hal rih lai ngah maw?''

"Aw... chim ko?

"" Nikhat khat ah na ka duh kho vete lai maw?


Typing chung ca a țial nak asau ngai nain.

"Immm-

Tivial lawng ka Messenger ah a lut. Caan tlawmpal a rauh hnu ah kai ruah lotuk mi biafang nih a vun zulh.


"A hman ning tein chimko ahcun atu hin kan duhtuk cang, na zum maw?

Duhtuk mi nungak i kan duh veko ti i kan zumh lo ti ding cu a paamtuk ta, mihrut hmanh nih an siang hnga lo. Ka chuahka in ka comi biafang lakah a  thlum cem asi. Chikhat cu ka laam kai pheh lo a sunglawi bak, a thlumbak fawn ta.


"Sikun' ka thlacamnak Khuazing nih a ka leh tinak maw?

"Zeitin thla cu na caam le?

"Na sinin ka duh mi ka cokhawhnak hnga ka cam.


Cuticun, theihthiamnak a um ahcun hna a ngam i duhdawtnak hma a kal ziahmah tuni tiang.