Sihpi

A tuh thlaici a zuun hlan ah a hram a domh sinin a dongh ahcun ruahti lo thlaithlak bang rungrul nih an hei char men ding. Nan thei maw? mimtlau ai lek sin ruah a tlak lo caan. Nan hngal mw? khuadawm a um paoh ah nikhua a chiat lo. Khuari a tur ruangah ka lau in kaper lo. Lungmawngin ka ruat kan hlawinak Biazai  na caah an rak thlum lo tham ah ramcar ah thlaithla mihrut pa ka lawh ko țung hnga. 000000000000000

A tlai ngai cang zaan ih lai ah kuakzuk a hmang tawn mi ka si caah Innpi leiah duhsah in ka kal i  thlalangaung ka hram i ka chiah mi kuakdap chiahnak pakhat ka laak hnu ah  vaamtlangah ka chiah mi kuak fungkhat a bawmchungin ka zuh i fak nawn piin ka bak, thlalangaungin lenglei ah a khu kal dingin faknawn, siallaih khin ka kuat khu cu ka chem. Kan inn thlang i  ngakchia chinlung(paihcaw) an bengh tawnnak, lente an i celh tawnnak,  au thawng le vio thawng nih a rak zelh lengmang nak hmun, hi zaantlai ahcun mithi khua fate ko a hluan.  Cu bualrawn ramhring cung in a elekțrik ceu zong zaanguai ngai in a rian a domh ve. Duhsah tein a hrang mi thlizil nih ramhring tete thui ziahmah in a har hna khi sullam ngei ngai sehlaw cuko cu a lo. Kan inn in ai hlat ngainak i a dir mi Shopping innsang pi zong thlapa ceu nih a kah i dawh ngai in a lang. A king zeithawng hmanh theih ding a um lo. "Ting' tiin a ring mi '' ka it cang lai, Mangțha'' timi messengers ...

Nau Dawt!  nangmah nih mangțha cah loin ih cu ka zuam lotuk nain, nai hngilh lio i țhangh ding kan siang fawn lo. Kan cakuat țhing rel pah in zeitik dah a Online țhante lai tiin kan hngah peng nain nangcu mitkuh thaw tein nai rak i hngilh diam cang.  Tuchun picnic nan kalnak hmanthlak na ka kuat mipawl zong vuai hngal loin ka rak zoh nolh, na ngal a rak kawi ning ka hmuh i phuhlut tiah ka mirh. Nai dawhtuk, Khuazing nih nangmah iangtu minung ser a philh miko a lo. Silo hmanh ah nangmah an serlio ah hin a kutchuak men lai. Tluangdang ramdang i um hicu a harbak ko ti, asinain mu harnak phen ah lawmhnak tampi a umte ding ruahchan in na lung rak țhul hlah mu. Dawtnak, theihthiam nak um ahcun kan vawlei nun hi man a ngeihtuk ko. Nangcu nai hngilh lioah keicu kan ngaituk. Tuan tein ih i mikuh thaw tein nai hnglih cu kan duh piaktuk mi sinain ka caah a rak hartuk ve ta, nain biapi ah rakchia hlah, nangmah na  mitkuh thawt paoh cun kai lawm(nuam) ko. Mangț...

~Thlapahle~ Chunmang a kau, covo a dau, nun alau tuarzia a siam, biakam a tiam, chirlung ciam. _______________________ ~Forhziak~ Ruahnak roopcaak, conglomh aa ziak, ka a daak. _______________________ ~Ka Kawi~ Na khel ka khel sining kel kan tiam kan siam a mah țhiam colo saruh kan rak cuh. __________________________ ~ Boruak ~ Sul le lam an hun hlam co le vo an vun zo buai le bai a vun dai ral hriamhrei sin khua a dei. _______________________ ~ Haiku ~ Dipa sin ngak nu phaizawng iang lonh thuamthil zik kudi sin ciamser. __________________________ ~ Tuanbia Hnai Khuartu November ~ Zaanking a tlai tingțang a lai thinlung na muai mitthlam na hnuai na ann ka hngai nunu kan ngai. ____________________________ ~ Minu ~  Ai fiang lo vawlei nun a par a mit, a țe thinlung a duh mipa vanlai arfi zat dawtu kut a hmu kho lo maw minu. Dawtu thinlung zaangraam loin duh mi...

Miphun pi pakhat kan si bantuk in bia le hla, caholh phuntling a ngei mi kan sive i a rum zong kan rum. Lai Zuun hla, Ram hla, Hloi hla kan ngeih hi 1933 kum ah Saya Kaw Kaw nih '' A HME RAM LAITLANG"  phuah hram a rak thok i cucu chanthar hla ah a hmasa bik phuah/sak mi asi. Cun' 1938 kum ah Pu Zo Mawng nih " A khin dahngai ngaknu leeng he kan lennak'' timi a phuak ve. Cun' 1951 kum ah Pu Za Neih Sum nih " Kan Laitlang i Cazir Mi U le Nau'' timi a phuah  ve. Hi hna pathum hi chanthar hla a phuah hmasabik an si. ////ref: Lai Nunphun, Stephen Ni Kio, cahmai 124/!//! Ahme Ram Laitlang Vawleipi ah hla hi a dotdot tein hmunhma an laak daan aa dang ziahmah. A luancia caan ahcun Country hla deuh nih hmunhma a laak i  atu chan ahcun  hiphop, rapper, pop hla pawl nih an vun naan ziahmah i vawleipi ah hmunhma an laakkanh ngai ngai cang. Mihlun deuh lawng nih Contry hla cu an ngeih(uar) cang kan ti khawh. Țhangthar mino lungthin ah hmunhma...

Zaanhlun pawl sinah thinlung aa chokvak. dawtnak puanzawh in kudi, simei, thlizil sinah kut/ke i lumh in kan thawlum  kan rak i hrawm zaan kan phanțhan. A dai, akik, aking a fiang, athiang, apiang na ke hlan thawng sin zaan iang dawh sullam a ngeituk ka rak ti. Thlapa arfi hna hi zaan bantuk ah an ninghngal a vun langkhun biakamnak catlap an ken țung locun anci hmih ka duh hna. Aw.. hi zaan bantuk țhiamthiam ah Jesuh, a nulepa lungrethei in an ba, Mifim pathum zong an țhiangțhunh le an ruksai he arfi lam hmuhsak in an kar an hlan ceomeo rih. hi hmun in keizong ka rak in ngaituk ve. Na kal taak cang mi ka țang lengthong zong nih bul ai hnaseh ka nun nih a ngaih bik mi na siko. Asinain' biakamnak phen ah ziknawh mi velhle camcawh fungbang na zuh lo tham ah thlapa arfi hna kan tla kun lai maw(asiloah)  thlapa arfi hmai in dah kan i thuh lawlaw lai.  (na kir țhan lai maw) Hi zaan batuk chunmang fate r...

Iang di țial kutzung rem hngilh lo manh mi par kan ngaih lung in ka ung 3/12/2016 !8:06pm ____________________ Dot hnihnak iang Duhnak hi a thlum al na teh taktak tik ah ka sin biathli phuanding na ngeite lai maw? Cungcuang arfi hna sin thim hlei iang di kan uang. Ruahnak nih ai tinh mi caan sinah a tlin ko ahcun dipa khuasik zaan ah hin in hlawm ningti ka duh. Ngaihnak hna kan huat hlan ah. __4/12/2016 !9:09pm! _________________________

Hi catial kai timhtik ah tlamtlin lonak le fian lonak zeimawzat a um ko lai. Minung kan nunnak le kan  tuanbia tial dih ding ahcun mi pakhat  konglam hi cauk in chuah a hau hnga. Cu hmanh ahcun zeizat size dah a va hau rih hnga,  Hi vawlei ah mi roling tampi an um, cu chungah catial tu nih ka theih mi  an thih nunnak kha i hmaithlak in  tial awk a tlak ko tiah ka ruah caah ka vunpho. Atu i kai timh bik micu Vawlei mi roling hna an thih nunnak, nithla/kum kha hmuichon in ka țial lai. Careltu pakhat cio caah hlawk nak samfatia tal a chuahpi hnga maw tiah ruahchannak he. Confucius: Amah hi tuluk ramthen  Lu an timi khua ah B.C 550 kum ah a rak chuak. Cuticun tuluk ram cozah i hruai ning phung hna le thianghlim tein nunning phun a ser hna. An ram ukbawi zeimawzat nih ruahnak an rak hal lengmang mi fimchimtu pakhat a rak si. A nih cu 75 asi hrawngah a thi. ARistotle:  Greek mifim le mithiam minthang Aristotle cu B.C 384 kum ah Agen rili kam, ...

Thinlung firtu sin in a rak firtu na   si lila zaan na thinlung ka rak firkhawh ve lo zaan. Thlapa, arfi, suimilam kuttang ah a rak tlawt mi biafang pawl an mit an dei tiang. Mitthlam in hei suai a dotdot in ai peh viahmah mi khuaruah sin na tlau lai lo a iangziik ah i fut dingin pelep a thla aa pharh lio. Cuticun' thlathar, kumthar keneh thar, tuanbiathar Cuticun ai dawi ziahmah mi caan sin ai dawh mi zalam zawhnak dingah a khahmul muaipah in mang karkhat hnu karkhat. a thinlung, a thazang, a ruahnak phah an si cang kha, na caah.