Ai Duada Ngaimi Duhnak Zalam ah A Donghnak A Phichuak

-


Ka ihnak ihkhun hram ah a ril mi ka dinbang tithawl le changreu bawm tete, ka rel bang Cauk le a dih cia ka zuuthawl hna, mitțhep kar ah ka banh mi rose nih nan nih he thlahtlam in a ka tiamter hoi ko.  Molh-meh nak dinh hmun pawngah chunmang chiahru i bei in sawn lengmang kai huai, nun a rit, a ba, a ha, mifapa ciocio. 

Ka hmuhkhawh hmual  zalaam bite sinah ah hlingle so, fahnak sepsaw tete na thawngpang sinah an i phua. A chelcaan cun zuhrai he i tiam zong a nuam in ka thei cang. 


Fawi tein kan philh lai, voikhat  kiss bal mi na silo. Kan hlaat rih lai, ka tlaih bal mi kut na silo. Tuzaan  nun cu muihnak he i tiam phot ko hnaseh thaizing sinah ah an cinken tu thluak, an ruat pengtu thinlung in na mincu  mitthlam in kai khrih ngamti lonak tuksabur thlan-hmun ah ka vui lai. 



Vawlei ah a um tilo bantuk zongin kan ruah lai, kan ngaiti lailo, kan theiti lailo, a um ti lo bang vawlei ah. Midang thladem i na zuan dingzong kan uiti lo.


Țingtang he i tiam in phur a rit mi zuun hla hna ka ngai in ka hlawiti lai lo. Kan rak manh tawnnak zaanmang pawl zong chiatserh in na aw-aan a phurtawn tu ka hnathlam tiang ka hnawh lai. Rak thei: dawtu kut na sung. Rak thei nolh: velhlei kut in kei kai hlipphuak.




a deu in a mirh
kokek man zat in cawk ka rak ngamh.


ziknawh mi biakam sin
ha lengmangin ruahchannak kai rak i bei.


a rawk cawlhding
a maan cawlhding
a țet tuanding
man faktuk in cawk ka rak ngamh.


asi
a pem cang
hi thinlung khuaruah sin
kan theih hlan khan rak in hlaat kan duh.



















Comments

Post a Comment

Popular posts from this blog

Mifim Bia Roling (51)

-
Image
Cauk hi phun hnih in a um voikhat rel ding ca le thih hlan lo rel ding ca tiin. Cu ahcun hi mifim bia (51)hi thih hlan lo relding ca asi tiah ka ruah! Kan nunnak lamthluan ah hi bia kan i nunpi si ahcun kan fim lo hmanh ah mifim kan lo ko lai. Abaraham Lincoln  Minung chan cu mitang ah i chiahkhawh nak ding a rak si.(Adler, Alfred). A ral kha a teimi nak in a mah le a mah aa tei kho mi teitu ka ti deuh hna, a ruang cu teinak hmuhkhawhnak caah a harbik mi cu mah le mah i tei kha asi.(A ristotle) I lunghrinhnak cu hawikom tha sinak ding caah sivai pakhat asi.( St Augustine) Caan aa thlen ning rup in aa thleng ve lomi cu, ei heu phurrit men an si.(Barrir, Sir,James) Minung nih kan tuah mi sualnak vialte lak ah mi dawtnak zeirel piak lo tluk in a chiakha mi a um lo.(Brooke, Rupert) Theih hngalhnak zeihmanh a ngei lomi hawikom nak in, theih hngalhnak tampi a ngei mi ral panga ngeih ka duh deuh.(Bur bank, Luther) Thatnak tuah cu a lak asi bal lo, cu bantuk tuah sernak cu a he...
Read more

Laimi Khrihfa Thawh Kehnak Kong

-
Image
Khrihfa Sullam Khrihfa tinak cu Bawi Jesuh bantuk in a nungmi tinak asi. Cun a pahnihnak a sawh duh chan mi cu "Khrih i, A fa" tinak asi fawn. A hlan liopi i khrih zultu hna zeitluk in dah an nun hi ai dawh ti ahcun pakhat le pakhat an thil ngeihchunh te kha pakhat le pakhat an i cheu an i pe i an pawngkam i a um mi micheu hna nih an nunning an zohtik hna ah an khuaruah a hartuk i cucaah" Khrihfa pei an si hi, Khrih bantuk in teh pakhat le pakhat an i daw hi" tiah an ti hna i cucu Khrihfa thawh kehnak asi. Cucaaah Khrihfa bu pakhat ah rem lonak a um chung paoh cu Bawi Jesuh a bau tinak si ko. Laimi Khrihfa Thawh Kehnak Laimi Khrihfa thawh kehnak cu Rev. Carson, Laura Carson le Dr. East hi hna pathum chungah hin hram a bunh caah  tlamtling deuh in an kong țial than asi.  Arthur E. Carson Rev. Arthur Carson cu August 6, 1860 ah a chuak. Tlakrawh inn sak le lunginn sak a thiam ngaingai mi lattama zungthiam asi. Apa cu mi ngan dam lo mi-ngor asi caah kum 16 ...
Read more

Lai Miphun Tuanbia Tawi

-
Image
Chin National Front (CNF) Mirang Le Chin A Voikhat Nak I Tuk Mirang nih chinmi pawl an tuktik hna ah, a voikhat nak te ah an tei hna lo. Voithum an tuk hnahnu lawngah an teikhawh hna. Voikhat nak an i tuk hi 1871 kum ah asi, voihnih nak cu 1888 asi, Cun voithum nak an i tuk cu 1889 kum ah asi. 1896 kum ah Chinram tam deuh cu an laak cang i Chin Hill Atcs an tuah i an uk hna. 1894 kum ah rakpal loding tiah phungphai tuah in an rak humhim nak hmun hna cu maymyo mirang uktu bawi nih 1920 kum ah a hrawh dih i, 1929 kum ah an rak nganh mi hmunram hna cu an laak dih. Kachia hmun ah mirangpa winchester nih lakphak kungcin dingin Chinram chungah a luh ruangah Pu Beng Khuai hruai mi Chin ralkap bu nih Winchester cu an rak thah, i a fanu Merry Winchester cu a nung in an rak tlaih. Cuticun 1871-1872 kum chungah Brigadier General Captain. G.Boucher nih kachia ral lam cu hruai in le General Brown Low. CB.Captain Lewis hna nih chittakaung rallam cu hruai in an tuk tik hna ah Mirang-Chin a...
Read more