Kaltak Mi Nun Hramnak Aw
Ih Pi Khawh Lomi Biazai
{Thlahnak}
{Thlahnak}
Tuanbia nih a zawirih mi sining
duhnak, dawtnak, tleihchannak hna
țhalti bang ka vawlei ah an ko cang caah.
A um lomi btk caan zeimawzat te ah
thuktuk in a pil mi keneh nih
a chak a tlaih mi nun
nangsin in ka hla kho hrim lo
hlaattuk mitu ka rak si caah
siivaichia ai dolh sual mi pelep
Chun zaan, zing, a ni in, a thla
tuarnak mitthli hna he i tiam in
na zuun nih ka zuuhrai hna cu an rak liamter,''
tuni tiang.
Cucaah' na aan hna cu
țhal leiro nih ruahti a vun hal tawn bang
ka nun nih nang an hal caah
Ka nau, na ka auh tawnnak min in
voikhat te!
kan ngaihnak di a riam deuh hnga maw
-voikhat tein mu.
Palhnak cu nilecaan thil-her sinah
ngaihthiam, philh piak asi ko nain
na vel hi samh deuh dingah na kut a tawi
ka theih.
Keicu
na sin in a um ti loding dide a ngaitu ka si
na kirti lonak lam in an hngak tu ka rak si.
Cutin
hiti te hin
ka thluak nih na min a philh ni
a donghnak vawlei ka hmuh ni
na zuun hna nih nuncaan an tawiter ding,
tuarnak, fahnak zeizongza i bei in.
6/04/2017 -Kepong Zaantim-
Comments
Post a Comment