Zeizong Vialte Hi A Thluachuah Ansi

Ihphah thatha cu $ in cawk khawh ansi nain mitku thawtnak cu cawk khawh silo. Centrelink pek mi ihphah te ah kan it ko zongah mitku cim tein kan i hngilh khawh hi a thluachuah asi.

Ei din thaw cu cawk khawh ansi nain, ei kaa thawt nak cawk khawh asi lo. Arti le cite liah bu zongah pawkhim tein kan ei khawh hi a thluachuah asi.

Motor thatha cu cawk khawh ansi nain himnak cawk khawh asi lo. Motor accident ruangah a nunnak aliam mi tel cawk lo lakah, nangle kei tuni tiang kan him hi, Drive na thiam ruangah asi lo, a thluachuah asi.

Mi tampi nih zaankhat thaw ngut nak ca, $$ tampi dih in Oxygen an cawk, sinain nangle keicu man pek hau loin alak tein thli thiang kan dawp khawh, a Thluachuah asi.

Mitcaw le pum tlamtling lo tampi khua hmuh, hawi phak nak hmun phak an duh ve, nain an hmu/phan kholo lakah nangle keicu Pum tlamtling tein akan ser/chiah hlei ah muidawh tuk in akan ser, a thluachuah asi. 

Na kut na cawl khawh, na mit na thep khawh, na thaw na chuah khawh, lam na kal kho, a Thluachuah asi.

Na ngan adam i rian na tuan khawh, sianginn na kai khawh, na thu dir khawh hi a thluachuah asi.

Zaan mitku thaw tein na it, zing niceu dawh mi tampi nih hmuh an duh ve ko nain a nunnak thaw nih a deh tilo mi tampi lak nangle kei zing ni ceu dawh kan phak khawh hi a thluachuah asi.

Mi tampi ei awk ngei lo, pawtam tihal an tuar lio ah nangle keicu ei din cawk lo akan pek.

Mi tampi thil hruk awk an ngei lo lio ah nangle keicu hni puan thatha, hruk cawk lo akan pek, a thluachuah asi. 

Hitluk atha mi Pathian kan thangthat khawh lo hicu a poi tuk ee.

Catialtu Hmanthlak

Hlan ahcuninn thatha, Motor thatha, hni puan thatha vawlei thil ka ngeih mi lawnghi a thluachuah ka rak ruah. Bawipa dawtnak le a thluachuah hi ruat sasai locun lawmhbia chim ding kan ngei lem lailo nain thil fa tete in ruat taktak ahcun mu lawmhbia chim ding lawngte ansi. Khi a cung i ka ttial mi vial lawng hmanh khan lawnh biachim ding a tamtuk cang. Keicu lawmh biachim hi ka rian sangbik asi ko.

Hlan i hal tu nun kha tucu lawmh biachim nun ah aka thleng cang. 

Bawipa ka ca ahhin na tha na tha hringhran ee, na thluachuah hi ka caah a lianngan hringhran ko. 

Arel tu na cungah Atha tuk mi Ka Pathian nih athar in thluachuahnak na cungah tlun ter ko seh!! Lawmh biachim nun kan ngeih chin khawh nak hnga thiang thlarau nih kan bawmh ko seh!

By- Elizabeth Biak Mawi Zaathang