~Lamthar~{Diary}

A hmur in a tlawt mi biafang sin thlumtuk in mirh a thiam mi a hmur duh a va nungtuk hringhran dahngai. Vanrangtoi lengthong nuaiza lakah dawhnak vialte ai fun nak iang ngeitu, naihum i nai zawi, zeizong vialte kha na pumcungah an tling dih khitkhat.

Kanau Hlawinak 

Lasi iangin thuamh mi hmaifang

Dawhnak muici tling khitkhat

Khuazing thilser iang Khuazing.

A tlinh i a tling

Ho iang lo par duh za nung

Biafang tlinh lo iang zawitu.

Kan dawttuk, kan dawtnak Biafang pawl  Pathian thluachuah ai hmawm cawk lomi-mifimpa Solomon hmanh nihkhan dahngai a țial kho in a chim kho lailo pi. Vawleipi holh phunkip in ýțial dingah kumzeizat dah  caanlak in timhtuahnak ngeih a hauh hnga, A țial in a chim kho an um loding a fiang i a piang. Ka thinlung a hmukho tu keimah lila hmanh nih tling dingin țial ka thiam hmanglo pi.  Asi,'' kan lungthin a hmukho dihtu Pathian nih hin  nangmah an dawtu mincazin la sehlaw number pakhatnak ah nangmah an dawcem tucu Amah(keimah) khi asi tiin a kutdong in a ka sawh lai ka zumh ko, a ka sawh hrimhrim ko lai. Cucu a fiang.


Kan ngaituk, tuzaan theng teah siloin kan i chonh cuahmah liozong ahkhan kan ngai ko. Ngaihnak hi Khuazing sin thluachuah hleihluat ka tinco sisual hnga maw? Hawihlei ngaih thiam mi ka lawh tawn hi_hi vialte ngaihnak  na vunhmu kho hna maw. Ngaihnak i a theipar cu tleihchannak asi bang, tleihchannak i a theipar cu dawtnak  asi ve. Ngaihawk kan ngei, dawt ding kan ngei, ka nunnak hrapcheu tluk in Khuazing sin ka tinco thluachuah zongza hromh an duhtu ka si.


Kanau'' kan duhtuk cang hnu zongah kan duhtuk thluamah rih ninghi na va tlinghrim dah. (ti)


Zei bantuk rili thuk, zei btk tlangsang zong nih an khamkhawh lomi dawtnak  ah pil in kan i hnimnak maivan hmai. Velhle puanzar cu boh in kan thawlum kan i chuahhnawknak hmual a dinfak zeitluk in dah a va sunlawi hrim hmang. Hinak tling, hinak sang khoika tuanbia ah dah an umti hnga.


Dawtnak phenah ai dup mi zeidah um dawtnak lila dah lo. Vawlei nih a zawi mi dawtnak khi dahngai kanmah pahnih sinah a thlarau tlak, ka hmu ballo, ka kau, vawleipi dawtnak roling tuanbia zongza, ka rel, ka theih, ka hmuh ka ton, hi tiang dawtnak hi dahngai an um lo, an langh lo, an i thup maw. Velhle mui a det lonak tual ah kan nih pahnih ton lainak nitlangto in ruahchannak seikurang khat he, nang na um ahcun ka thaizing vialte khi an thlum i na caah zing niceu bang ka cer peng lai.



Kanau, biafang deu in ser a silomi ''kan dawttuk'' na timi biafang pawl nun nih diriamtuk in a rak dolh sin dawtnak tuanbia khongtu  kan si.