Nun Le Zalam

Fardawt, ka ngaithiam mu, na sinah ngaihthiam kan hal le na ka ngaihthiam zong a tlawmti lo, asinain uahfaih nak ralthuam cu phoih in na hmai ah khupbil in ngaihthiam hal kan duh rih ko, a zungzal in.

Naka dawtnak samfatia hmanh ka thei lo na ti ah khan, keicu ka ngaih a rakchiatuk tawn ta, asinain kan dawttuk ko ticu kai hngalh tuk fawn ko. Kan dawtnak langhter ka thiam lo biatu si lai. Kan duhnak kan rakchimh hlanpi khan na caah ka tling lo ticu kai rak i hngalh cia ko.

Asinain vawlei cungah a tling lomi a tlinter khotu Pathian a um ti ka hngalh ruangah mitchimh kamseh  in valdang sin liam lai kan sian lo ruangah kan duhnak hi ka rak in chimh. Atu ah'' a tling lomi tlinter khotu ka Pathian hi khoika ai thuhkun hnga, na caah ka rak tlin hrim lo hi.

Asinain mu Fardawt, zeizong vialte hi Pathian khuakhan ti dih awk cu an rak tha hrim rua lo. Dawtnak nihcun  tlamtlin lonak hmuh hi ai rak i harhtuk tawn, a hmuhtik zongah dawtnak in ngaihthiam le theithiam a rak si tawn ko. Nain mu chikhat na rak ka hlanh men mi dawtnak cotu ka si hi ka caah aza hrim lo nain ka cotawk a rak siko rua.

Fardawt vawlei ah hin tlamtlin timi biafang hi minung nih kan chimcem mi biafang a rak si tawn nain tlamtlin a rak harzia hi a tak nunah a tep bal mi, atu keimah btk dirhmun hi vawlei ah an um ahcun ma pawl nihcun an hngalh bik lai dah.

Aw.... asi ko, i zuam tualmal ko zongah dawtmi pakhat sin in tlamtlin a har ning hi ka dawtmi nangmah nih  ka hmuh piak  kho law

Vawlei nun hi ka caah ngai a tlatuk hnga i, man a ngeituk ko hnga mu.

Fardawt' kan duh hi ka palh hrim lo, duhawk tlak tuk in ta ka nun na rak hip kha. Asinain  huatnak thlaci na vorh mipawl donghnak ah na ka pek mi tuanbia pakhat £ansi sual ding bal ka țihtuk.

Cun mu' Fardawt atu ka vawlei bite a khaat zia a hngal bik tu silaw ti ka duh rih. A theibik tu zong na si lai ka zumh. Asinain ka caah ngaihthiamnak catlap cu na thinlung ah nai hum duh ti lo. Ka thlacamnak ai theihter duh lomi ka Khuazing nih le  ai hngilh caan a sau.  Aw... vawlei na zawi mi harsatnak pawl hin chuah awk ka țha hngin lo maw.

Vei mu, Fardawt'' Caan sinah kai hrim lai, asinain ka zulh mi zalam zei btk asi lai hi a muimi zaan bang hmuh fian cu a har ko. Hi a muimi zalam ah na kutnem in ka hruai law ka thaizing vialte duh an nun lai ningkhi'' ti ka ruah ah mitthli he ka mirh tawn. Kan chimh cangbang, ka nunnak uktu na si kan ti tawn kha, atu na pen mi ka thinlung ram uk duh loin vawlei dangah nai țhial cu, mawngtu ngei lo mawtaw bang khoika lamthlang ah ka rak tlak lai lawng a tang ko cang.

😢😢😢😢😢😢😢😢😢😢😢

😢😢😢😢😢😢😢😢😢

😢😢😢😢😢😢

😢😢😢😢

😢😢

😢