Kumthar le 21'' tlin Lunglawmhnak

Selfie tlaitu keimah chang, Kawikio,

Nauuk, Sangpui, Kawiven,

Achi,Azing,Khai²,Angun.

January 14 cu kumthar sinah kum 21 ka tlin ni si. Ka tan cangmi hnulei caan hna i her in ka cuanh thantik ah minung nih hrialawk tha lomi ngeihchiatnak, tlamtlin lonak le zawtfah damlo cu ton cio theu asi ko. Cu harnak hna cu lonh in kumthar sinah 21 ka phanh khawh hi kan nunnak kanmah ta a silomi a ngeitu Pathian sinah lawmh loawk țha lo khi si. Tuni cu ka chuahni a si btk in riandinh ka duh ngai, ma balte rian nih dinh a ka sianh lo caah ka țuanchih. Ka off khawh lo zonghi a poiah ka chiatuk lem fawn lo. Cu nak in a biapi deuh mi cu Pathian sinah kan lungthin dihlak in lawmh bia kan chim  i a mah  sinah hmailei kan lamthluan dihlak  kan chanh kha a biapi deuh ah ka ruah.

Voksa

Chuahday lawmhpi tu hawikom,

rianțuanți hawi kan tling pinah

Sangpui le Nauuk nih an ka

talpi i lawmhnak a ngan.

Happy Birthday Salai

Selfie ah lung ai khat mi hi

Atak zongah ai khat btk.

Angun busy ngai in

cake țhen phawt lio. An khuaholh cun

Abaan lianh ning😐

Thai BBQ Azing le Khai² 

nih an kan dangh.

Vawlei hramthok ka Adam tefa hna chan ah khan cun, Methuselah hna kha kum zakua le kum sawmruk le kumkua asi tiang Pathian nih nunnak thaw a rak pek ko. Asinain" Genesis-6: 3 ah " Minung hi zungzal in nun cu ka sianh hna lai lo, Zeicatiah titsa an si. Atu thawk in kumza le kumkul nak tam an nungti lai lo". A ti'.  Atu vawlei cungah kum 120 a nung hi zatuak in an tam lai ka zum lem lo. A hlei in kan nih Laimi ko hi kan țuan re a theih i kan chan a tawikhun ko rua.  Tial Uk hla bang kum sawm sarih le kum sawmriat kar ah hin ho cio paoh an i zi, kan i bang ciote ko lai. Kum 70/80 kar lawng hi vawlei kan khualtlawnnak caan cu asi taktak ko. Cu hmanh cu mitchimh bu camcawhfung zuh btk asi rih.  Kan paoh i kan vanțhat sile kum zaleng zong kan hei nung ko hnga, asinain kan vanchiat ahcun tuzaan thaizing zongah a thi kho kan si țhiam. Kum 70/80 cu chim lo thaizing kan kong hmanh ai chim kho lomi minung kan si. Thaizing kan thih nunnak kongah mi zeihmanh a thei i a hngal mi zong an um lo, a kan sertu Pathian lawnglawng nih a theih i kan nunnak tawh cu a ken. 

Cake le Birthday ngeitu

21'' timi hi phaisa siseh law voikhat rawl einak hmanh ah man a ngei lem hnga lo, zei btk hmanh ah 21'' nih a tuahkhawh rian le hlawknak a hmuhkhawh mi um lo. Asinain kum 21 timi cu a pical tuk cang mi ka lawhter, huham a ngei. 2'' hnulei ah 1'' um mi hrim nihkhin lungthin phundang tein a tunmer. 

Ka ngakchiat lio ahkhan kum 21'' hi phanh ding hmanh ah ai tim lomi kai lawhter, zeitindah ka phanhte lai ti zong ruahtonh awk ka rak hngal lo. Asinain nun timi a sunglawi zia ai fiangcang mi lungthin nih zeitluk in dah kum 21'' hi a sunlawi le upat nak a pek. 

21'' timi number nih Upa timi covo a mah tein ai pe i țhathnemnak a chuahpi te lai tiah zumhnak ka ngei.

Vawlei ka hmuhka in ka tan cang mi ni 7665 vialte a kutnem in a ka hruaitu ka Pathian cungah  lawmhnak a ngan hringhran. Cun'' dawtu hawikom si hna seh, ka caah thlacam a  philh bal lotu kanu kapa sihna seh, nan cungah kai lawmtuk. Kum 21 ka sinak nih le 2017 kum hi tuanbiadawh țialtu kum zong sihram hnaseh tiin saduhthah seikurang khat he. Mati ka titik ah ka kum nih a tial lai tinak siloin  tuanbia cu kan mah nih tial lo ahcun a mah nihcun zeitik hmanh ah a kan țial lai lo. Cucaah keimah nih tuanbiadawh ka țial kum sihram seh, ka thinlung cu cahmai ah serin ka thisen cu cahang ah hmangin tial dingah ka nun ka phah lai. Atu cu ka ngaichiat lio sinah cun ka Upa tuk cang. A puitling mi khuaruah he zeibantuk rian paoh ka kut cangah ai hum ngam cang ding ka si. Ka dirhmun zong siamremh in zei paoh ah zuamnak thazaang chuahchin dingah tha i hrim ka hau cang ti kai fiang.

Kumthar Lawmhnak 

Kei caah kumthar a sunglawi khun lengmangnak hi ka chuahthla asi theng ruangah si hnga lo. Vawlei mipi caah kumthar cu a sunglawi dih. A ruangcu, kan tancia mi kum ah palhnak kan tuah mi le thilțha kan tuah mi hnihkhat  i cheknak ah kan hmancem micu   kumthar hi asi tawn. Nikum ah kan palhnak le kan chanbau nak kongkha kumthar sinah a thar in kan i chek i nun remh ding tampi he kumthar sinah nunning thar he karhlan dingah Mupi bang thlicungah thazaang kan laak caan asi. Kumhlun sinah kan rak zuk/hmawm mi kaltak dingah Pathian sinah biakamnak tuah in nunning thar sining thar he nun zalam kan zawhnak kumthar asi. 

2017 kum chungah a biapi in kai timhbik micu Baibal ca chuakput rel hi asi. Atuhi ni hleili a kal cang, Baibal ca voikhat hmanh ka kau kho rih lo, phone cun voihnihthum ka kau. Asinain kumkhat chung ahcun reldih dingah biakamnak ka ngei, ka ngeih micu ka tuah hrimhrim lai. 

2017 kumthar i ka nun lamhruaitu dingah ka zuh mi Baibal cacaang. Zefaniah 3: 17 '' Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.'' 

Him tein le a dawtnak hmuhter țhan dingah ka chungah ralkap btk in a umko caah ka hna a ngam. Ka sinin ka  Pathian nih lunglawmhnak authawng he theipar  a zuun lai.

2016 X'mas hmanthlak

Minung nih kan nunnak ah hin thluachuah dongcat loin kan co ko asinain cu thluachuahcu relzia thiam loin kan tlamtlin lonak pakhat te ruangah Pathian kan mawhchiat țheo. Paul nih Korin khua mi hna sinah ca a kuat mi ah kan hmuh micu,'' 1 Korin 1:7 thluachuahnak nan hmuh lomi pakhatte hmanh a um lo,'' ati. Cu nih a chim duh micu dongcat loin Pathian nih a thluachuah a kan hromh ko tihi asi. Pathian sin in thluachuah hi a relzia thiam a biapi tuk. Kan thiam lo ahcun  kanmah le kan mah harnak kan i pek asi.  Minit pakhat nunnak kan ngeih mi hi a thluachuah ruang le a kan dawt ruangah asi tihi kan theih peng ahcun Pathian cungah lawmh loin kan um kho lai lo. Pathian locun nunnak second cheu hmanh kanngei lo ti hi theih usihlaw, nifa in a thluachuah kan tingco ko tihi kan i fiang ko hnga. 

2016 chungah hlawhtlinnak tampi na hmuh ko asinain a thluachuah relzia na rak thiam lo caah pakpalawng men an rak si. Asinain caan  a tlai rih lo ti theih. Na thazaang i hrim, tladedua in umnak ah vawlei nun hi a tawituk.  Na relh lo karah caanțha nih an tliktak suallai.

Nang zeitin dah nikhat hi na hman i  kumkhat hi na liam? 

Na nunnak kha hlanhchom mi asi kha na hngal ko lo maw? 

A ngeitu teh na thei setset maw? 

Nikhat hnu nikhat thlanhmual kan neih chin lengmang hi teh na tuak bal maw?

2017 Chinram le a minung caah tuanbiadawh țialtu sihram seh!

OooooooooooooooooO