Carel amiak Nak {Carel kai hrawtnak}
Laimi hi ca/holh ah thazaang kan rakchuah lotuk ti cu a tangah ka vunthlir mi Video tawite hin hmuh khawh ngai asi. Thideng mang in ca/holh a rak au pitu an um lio ah duhcerei in khua a rak sa mi zong kan tlawm lo ti a lang. A ruang cu hi biahal nak fawi tete hmanh kan fa nau le nih an chim(phit) khawh locu Laiholh le Caa an thlau bak asi ko. hringtu nulepa nih laiholh Laica hi biatak thlak in thazaang kan rakchuah lo ti a langhnak thlalang bantuk asi.
Mati si ah zeitindah kan fa nau le hi holh le ca lei ah kar kan hlanpi hna lai?
CACC ca chuah kan rel hlan ah Laica nih a kan thawt hmasa a hau. (CACC cachuah khi cu Laica duh chungin a țial kho mi le a rel kho ca deuh ah chia rih ko usih). A fawizaang mi Laituanbia tam piin chimhkhawh i zuam hna usih, kan fale nih an duhbik mi tuanbia/lenhloi kha Laiholh tein rel piakkhawh peng i zuam hna usih. Phungthlukbia chungah '' a zulhawk lam asimi kha ngakchia cu cawnpiak law a upat tikah apial tak ti lai lo''. Cu ve bantuk in na fa kha hawitheih thei ve seh ti na duh ahcun a ngakchiat tein ca tam piin relpiak law a upat tikah cuca na relpiak mi kha lamding, lamțha a hmuhsak tu si lai a Upat tik zongah a pial tak ti lai lo. Voikhat relpiak lawng aza lo. Lenhloi/tuanbia nih a thawt hna ahcun cu Lenhloi/tuanbia cu caanlak in chim ko hna usih. Caan a pam men kan ti khawh men, a pam naisai lo na fa nih Laica a thawt nam a theihnak a muru asi ti kha philh hlah. Cu lawnghlah cahloh dawt cu miphun dawt asi, cucaah miphun kan dawt zong asi ti hi philhhlah usih. Carel thawtnam muru an theihtik ah thiam duhnak lungthin an ngei lai i CACC cachuah khi kherhhlai in cawn an duh te lai.
Acheu nulepa cu kan fale Laica/holh an philh/thiam lomi hna hi ai uang mi kan tlawm lo. Miphun pakhat i a nunnak pithlung cu caa hi asi. Kan miphun caa/holh kan thiam locun miphundang nun nih fawizaang tuk in a kan dawpdolh colh lai. Mah miphun ca/holh thiam locu minphun tlau kan ti khawh. Miphun timi cu thisa le cikor in a kal mi a si tik ah zeitluk namnet le lamchih zongah a tlau kho lomi asi. Kawlram Immigration nih tlaihtlengah an ngeih mi cu "Vawlei nih dolh ruangah miphun kan lotlau lo, Caholh thlau ruangah miphun a tlau'' timi asi. Miphun pakhat sinak in kan tlaukhawh nakding lam cu Caholh le Nunphung lawngin asi. A hlei in kan nunphung, kan Caholh hrawh dingah timhcia tein a um mi Kawlholh nih a kan hip hi kan vanchiat ngai nak pakhat asi. An holh cu kan thiam ding asi, a uar in kan uar ding silo. Atu hmanh ah zeimawzat cu kan Lai Caholh ah a umko mi miphundang caholh do i cawi riangmang in kan talh țheo. Hihi ningzah ngai ding cu kan si.
Laica hi sianginn ah tangthum tiang ka rakcawng ko nain zeiti piin kairak chap lem lo. A cing- fa a ngei kho lomi tbk lawnghi kai rakchap mi asi. Nain kanu hi carel zuam mi pakhat sitik ah ngakchia nih kanrak theih duhngai mi Capo/ngang-ngang le Lenhloi/Tuanbia tbk( Muko Mekazin chung deuh in )hi kan Unau in a rak kan rel piaktawn. Cu akan rel piak mi chungin kan rak duhbik mi cu 2006 hrawng a rak chuak mi(kai palh kho) Muko Mekazin chungin (Van Ka Zoh Ah A Sang Vawlei Ka Zoh Ah Apit) timi Dawtte le Paceu tuanbia hi asi. Kan unau in kan rak duhtuk. Zaankhat ah voithumli zong kanu nih kan rakvuai lo caah a rak ka nolhpiak tawn. Cutik ah a tuanbia kan i cinken i a cafang kha kanmah tein kan rak i fonhtonh i a hnu ahcun Kanu bawmhpah nak thawngin chuakput ka rak rel khawh.(culio cu tanghnih ka kai lio si) Cuticun laica nih hin a vun ka thawt i tuni tiang kanu carel zuamnak thawngin Carel zuam pakhat bantuk dirhmun ah ka um. Kanu cungah kai lawmh bantuk in nikhatkhat ah na relpiak mi nafa kha nangmah cungah ai lawm ve lai. Laica/Holh hi a theih le thiam lawng aza lo a duh hrim in kan duh a herh. Cu kan duhkhawhnak dingah Cachuak tampi kan ngeih a hau. Laica nih a kan thawt zong a herh.
Biatakthlak in carel kaithok hi a sau rih lo. Ka rel mi tam deuh cu Lenhloi hi an si hna. Cun' tuanbia(history), i tonnak ti bantuk hi a pithlur in carel kai hrawtnak, Carel thawtnam ka theihnak asi ka ti khawh. Mah carel ka zuam mi nih ka theih hngalh kha a kauhter, ka khuahmuh zong a kauhter. Vawlei cung minthang tampi a ka theihter pinah, vawleipi i a cang mi thawngpang a țha he a chia he a ka theihter. Atu chan cu Internet(Maivan) chan a si caah, thil pakhatkhat theih kan duh mi a um ahcun mițhep kar ah hmuhkhawh asi nain carel loin cu zong cu theih hngalh khawh asi lo.
Cuticun, carel duhnak lungthin hi ka chungah a khah in khat, ka hmuh mi cauk paoh a chiatha ti loin cawk duhnak lungthin ka vun ngei. Tangka ngeih le ngeih lo ai seng lem lo zia ah a lut cang mi asi. Thiltheih duhnak lungthin he cachuakkip ka reltik ah ka caah a sunghnak um loin a miak lawngte a rak si(A miak mi lakah carel hi dah a miak bik lai ti tiang ka ruat). Carel ding ka ngeih ahcun riantuan lawi lai hi kai ngaih meisei tawn, inn phak bak in i kholh i carel hi ka nun ah ka thawtluk hlah in maw a biapit tal ti awk in man a ngei. Cucu carel zuammi vialte nih an ton dih cio mi asi lai tiah ka ruah. Atu ah cacu tam pi kan rel lai, cun kan philh mi zazat um ko lai asinain cu kanphilh cang rua kan timi kha kan rak philh thlu dih lem lo. Na hawi pakhatkhat he bia nan i ruah tikah siseh, pakhatkhat biahalnak na tontik ah siseh, ka philh cang rua nati mi nih khan ruahnak an cheuh lai, hriamnam țha an pek lai. A fawinak in kan chim ahcun nangmah lei ah an bawmtu hawițha pakhat bantuk in an dirpi lai. Cutik ah țihphan nak um loin na carel mi kha na tleihtleng ah i serin thildik lei ah lam an hruai lai. Cucu carel a țhatnak i a muru taktak cu asi.
Zeihmanh theih hngalhnak kan ngeih lo ahcun hawikom nih a kan hrial deuh ko. Cucu phehawk a tha lomi thil asi. Burbank Luther '' nih a timi cu Zeihmanh theih hngalhnak a ngei lomi hawinak cun theih hngalhnak tampi a ngei mi ral panga ngeih ka duh deuh ati. Cu nih a chim duh mi cu pawngkam sining theih loin theih hngalhnak zeimawzat ngeih ve lo ahcun atu a him lotuk mi kan vawlei ah um hmunkhuar ding hi țih a nung, tuk a sum. Carel lomi minung cu rawl lawng a heu i vawlei caah khingrit men an si. Cu cu, kan nun ah i chiah in theih hngalhnak hi a kenkip in kawl cio hna usih. Mi theihcia le mi țial cia lawng kan rel lengmang zong hi i nautat ngai ding cu kan si. Mah nih kherhhlai i khawmhsuat ve țunglo i mi cațial nak tang ah kan duh carei in kan va aukhuan khi cu kan ruahnak kan chim a va si zongah ai dawh mi cu si thlu lem lo. Kanmah hrimhrim zong nih țan kan laak a hau.
Carel cu fimnak le theih kauhnak a si i a tthatuk kan ti nain kum 12 chung hlathlainak i an hmuhrih mi cu Nunkhua zong a Sauter ti a si. Zeitluk in dah a miak, Carel cu kan mah tein fim kan i chimh bantuk asi. Cauk rel hi thawngpangca relnak in a tthadeuh. Ni fatin dal khat in dal hnih lengmang a relmi cu an nun a sau deuh ti a si. Bible rel chinchin cu ttha tuk la ta. Nain cauk dangdang zong rel hi a biapi tuk. Theih kauhnak, fimnak cawn khawh a si i mah le mah i zumhnak, ralthatnak ngeih a si.
CAREL
John Wesley–––“ca a rel pengmi Khrihfa nun cu thlarau lei zongah a tthang i, carel a ngol bakin a tthannak zong a ngol ve”
Marcus Tullius Cicero––“cauk rel awk a ngei lo mi inn cu thlarau a ngei lo mi taksa pum bantuk asi”
Abraham Lincoln––– “cauk ttha rel ding a ka chimtu cu ka hawi ttha cem an si”
Dr. Semuel Johnson–––“ carel na huam lo ahcun na fim kho bal lai lo''
Harry S. Truman––– “carelmi poahpoah hruaitu an si lo nain hruaitu poahpoah cu carelmi lawngte an si"
Margaret Fuller–––“tuni careltu, thaizing hruaitu"
Heinrich Mann–––“cauk relawk a ngei lomi inn cu thlalang-awng a ngei lomi innkhan bantuk asi”
Tuluk phungthluk–––“nithum chung carel loin na um hnuah bia na chim ahcun na biachimmi ah lakawk tlak a um ti lai lo”
Carel loin zeitik hmanh ah fim vaitim hlah] (Homer).
Chirchanh: Salai Van Lian Thang facebook timeline, Ram tinthei facebook timeline, Si Bawi Mang Liang facebook timeline.
Mati si ah zeitindah kan fa nau le hi holh le ca lei ah kar kan hlanpi hna lai?
CACC ca chuah kan rel hlan ah Laica nih a kan thawt hmasa a hau. (CACC cachuah khi cu Laica duh chungin a țial kho mi le a rel kho ca deuh ah chia rih ko usih). A fawizaang mi Laituanbia tam piin chimhkhawh i zuam hna usih, kan fale nih an duhbik mi tuanbia/lenhloi kha Laiholh tein rel piakkhawh peng i zuam hna usih. Phungthlukbia chungah '' a zulhawk lam asimi kha ngakchia cu cawnpiak law a upat tikah apial tak ti lai lo''. Cu ve bantuk in na fa kha hawitheih thei ve seh ti na duh ahcun a ngakchiat tein ca tam piin relpiak law a upat tikah cuca na relpiak mi kha lamding, lamțha a hmuhsak tu si lai a Upat tik zongah a pial tak ti lai lo. Voikhat relpiak lawng aza lo. Lenhloi/tuanbia nih a thawt hna ahcun cu Lenhloi/tuanbia cu caanlak in chim ko hna usih. Caan a pam men kan ti khawh men, a pam naisai lo na fa nih Laica a thawt nam a theihnak a muru asi ti kha philh hlah. Cu lawnghlah cahloh dawt cu miphun dawt asi, cucaah miphun kan dawt zong asi ti hi philhhlah usih. Carel thawtnam muru an theihtik ah thiam duhnak lungthin an ngei lai i CACC cachuah khi kherhhlai in cawn an duh te lai.
Acheu nulepa cu kan fale Laica/holh an philh/thiam lomi hna hi ai uang mi kan tlawm lo. Miphun pakhat i a nunnak pithlung cu caa hi asi. Kan miphun caa/holh kan thiam locun miphundang nun nih fawizaang tuk in a kan dawpdolh colh lai. Mah miphun ca/holh thiam locu minphun tlau kan ti khawh. Miphun timi cu thisa le cikor in a kal mi a si tik ah zeitluk namnet le lamchih zongah a tlau kho lomi asi. Kawlram Immigration nih tlaihtlengah an ngeih mi cu "Vawlei nih dolh ruangah miphun kan lotlau lo, Caholh thlau ruangah miphun a tlau'' timi asi. Miphun pakhat sinak in kan tlaukhawh nakding lam cu Caholh le Nunphung lawngin asi. A hlei in kan nunphung, kan Caholh hrawh dingah timhcia tein a um mi Kawlholh nih a kan hip hi kan vanchiat ngai nak pakhat asi. An holh cu kan thiam ding asi, a uar in kan uar ding silo. Atu hmanh ah zeimawzat cu kan Lai Caholh ah a umko mi miphundang caholh do i cawi riangmang in kan talh țheo. Hihi ningzah ngai ding cu kan si.
Laica hi sianginn ah tangthum tiang ka rakcawng ko nain zeiti piin kairak chap lem lo. A cing- fa a ngei kho lomi tbk lawnghi kai rakchap mi asi. Nain kanu hi carel zuam mi pakhat sitik ah ngakchia nih kanrak theih duhngai mi Capo/ngang-ngang le Lenhloi/Tuanbia tbk( Muko Mekazin chung deuh in )hi kan Unau in a rak kan rel piaktawn. Cu akan rel piak mi chungin kan rak duhbik mi cu 2006 hrawng a rak chuak mi(kai palh kho) Muko Mekazin chungin (Van Ka Zoh Ah A Sang Vawlei Ka Zoh Ah Apit) timi Dawtte le Paceu tuanbia hi asi. Kan unau in kan rak duhtuk. Zaankhat ah voithumli zong kanu nih kan rakvuai lo caah a rak ka nolhpiak tawn. Cutik ah a tuanbia kan i cinken i a cafang kha kanmah tein kan rak i fonhtonh i a hnu ahcun Kanu bawmhpah nak thawngin chuakput ka rak rel khawh.(culio cu tanghnih ka kai lio si) Cuticun laica nih hin a vun ka thawt i tuni tiang kanu carel zuamnak thawngin Carel zuam pakhat bantuk dirhmun ah ka um. Kanu cungah kai lawmh bantuk in nikhatkhat ah na relpiak mi nafa kha nangmah cungah ai lawm ve lai. Laica/Holh hi a theih le thiam lawng aza lo a duh hrim in kan duh a herh. Cu kan duhkhawhnak dingah Cachuak tampi kan ngeih a hau. Laica nih a kan thawt zong a herh.
Biatakthlak in carel kaithok hi a sau rih lo. Ka rel mi tam deuh cu Lenhloi hi an si hna. Cun' tuanbia(history), i tonnak ti bantuk hi a pithlur in carel kai hrawtnak, Carel thawtnam ka theihnak asi ka ti khawh. Mah carel ka zuam mi nih ka theih hngalh kha a kauhter, ka khuahmuh zong a kauhter. Vawlei cung minthang tampi a ka theihter pinah, vawleipi i a cang mi thawngpang a țha he a chia he a ka theihter. Atu chan cu Internet(Maivan) chan a si caah, thil pakhatkhat theih kan duh mi a um ahcun mițhep kar ah hmuhkhawh asi nain carel loin cu zong cu theih hngalh khawh asi lo.
Cuticun, carel duhnak lungthin hi ka chungah a khah in khat, ka hmuh mi cauk paoh a chiatha ti loin cawk duhnak lungthin ka vun ngei. Tangka ngeih le ngeih lo ai seng lem lo zia ah a lut cang mi asi. Thiltheih duhnak lungthin he cachuakkip ka reltik ah ka caah a sunghnak um loin a miak lawngte a rak si(A miak mi lakah carel hi dah a miak bik lai ti tiang ka ruat). Carel ding ka ngeih ahcun riantuan lawi lai hi kai ngaih meisei tawn, inn phak bak in i kholh i carel hi ka nun ah ka thawtluk hlah in maw a biapit tal ti awk in man a ngei. Cucu carel zuammi vialte nih an ton dih cio mi asi lai tiah ka ruah. Atu ah cacu tam pi kan rel lai, cun kan philh mi zazat um ko lai asinain cu kanphilh cang rua kan timi kha kan rak philh thlu dih lem lo. Na hawi pakhatkhat he bia nan i ruah tikah siseh, pakhatkhat biahalnak na tontik ah siseh, ka philh cang rua nati mi nih khan ruahnak an cheuh lai, hriamnam țha an pek lai. A fawinak in kan chim ahcun nangmah lei ah an bawmtu hawițha pakhat bantuk in an dirpi lai. Cutik ah țihphan nak um loin na carel mi kha na tleihtleng ah i serin thildik lei ah lam an hruai lai. Cucu carel a țhatnak i a muru taktak cu asi.
Zeihmanh theih hngalhnak kan ngeih lo ahcun hawikom nih a kan hrial deuh ko. Cucu phehawk a tha lomi thil asi. Burbank Luther '' nih a timi cu Zeihmanh theih hngalhnak a ngei lomi hawinak cun theih hngalhnak tampi a ngei mi ral panga ngeih ka duh deuh ati. Cu nih a chim duh mi cu pawngkam sining theih loin theih hngalhnak zeimawzat ngeih ve lo ahcun atu a him lotuk mi kan vawlei ah um hmunkhuar ding hi țih a nung, tuk a sum. Carel lomi minung cu rawl lawng a heu i vawlei caah khingrit men an si. Cu cu, kan nun ah i chiah in theih hngalhnak hi a kenkip in kawl cio hna usih. Mi theihcia le mi țial cia lawng kan rel lengmang zong hi i nautat ngai ding cu kan si. Mah nih kherhhlai i khawmhsuat ve țunglo i mi cațial nak tang ah kan duh carei in kan va aukhuan khi cu kan ruahnak kan chim a va si zongah ai dawh mi cu si thlu lem lo. Kanmah hrimhrim zong nih țan kan laak a hau.
Carel cu fimnak le theih kauhnak a si i a tthatuk kan ti nain kum 12 chung hlathlainak i an hmuhrih mi cu Nunkhua zong a Sauter ti a si. Zeitluk in dah a miak, Carel cu kan mah tein fim kan i chimh bantuk asi. Cauk rel hi thawngpangca relnak in a tthadeuh. Ni fatin dal khat in dal hnih lengmang a relmi cu an nun a sau deuh ti a si. Bible rel chinchin cu ttha tuk la ta. Nain cauk dangdang zong rel hi a biapi tuk. Theih kauhnak, fimnak cawn khawh a si i mah le mah i zumhnak, ralthatnak ngeih a si.
CAREL
John Wesley–––“ca a rel pengmi Khrihfa nun cu thlarau lei zongah a tthang i, carel a ngol bakin a tthannak zong a ngol ve”
Marcus Tullius Cicero––“cauk rel awk a ngei lo mi inn cu thlarau a ngei lo mi taksa pum bantuk asi”
Abraham Lincoln––– “cauk ttha rel ding a ka chimtu cu ka hawi ttha cem an si”
Dr. Semuel Johnson–––“ carel na huam lo ahcun na fim kho bal lai lo''
Harry S. Truman––– “carelmi poahpoah hruaitu an si lo nain hruaitu poahpoah cu carelmi lawngte an si"
Margaret Fuller–––“tuni careltu, thaizing hruaitu"
Heinrich Mann–––“cauk relawk a ngei lomi inn cu thlalang-awng a ngei lomi innkhan bantuk asi”
Tuluk phungthluk–––“nithum chung carel loin na um hnuah bia na chim ahcun na biachimmi ah lakawk tlak a um ti lai lo”
Carel loin zeitik hmanh ah fim vaitim hlah] (Homer).
Chirchanh: Salai Van Lian Thang facebook timeline, Ram tinthei facebook timeline, Si Bawi Mang Liang facebook timeline.
Comments
Post a Comment