Sihpi

      Siangnuhrang     (Haiku Awtlak) Manghlum bawi lasi na hmur a par iang muici khi dah ngai ka di. 23/09/16 1: 08Am ______________________________________ Thla Mawt Zaan Lungthli kil Ka kiam kil. Na aan ka dil na hei bil nun ah nai cil dawtnak pil na țilh nak țang a hei mil. __________________________________21/09/16  3:30pm Ai Palh Mi Caan Rit lungin a puar Dawtu kut a nuar Fimhrin lung a tuar. A covo a buar Vawlei a pamh huar Ho hren lo sahrang a luar. ______________________________02/09/16 10:13am

Biahramdomh Vawleicung suallei ah miropui minthang tuksum in ISRAEL mi million 8/ tluk a thattu Hitler hi a min nan van hmuhbak hin awaww- hi pa cu misual taktak a si ti’n na thinlung ah a hunglang colh lai dah. Vawlei minungah Hitler thei locu cite liat lo an silai kan ti khawh. Asi! a hman sual lei ahcun minthang vawlei a hninsai tu pa pakhat a si, nain mizapi nihcun Hitler cu misual chimpit asi ti vial khi kan theih bik ning a si lai dah nain “mihrut pa sinzong ah fimnak i lakawk a rak um kho thiam” anti bang hi misual pa sinzong ah i zohchunhawk thil tete an um ve thiamthiam. Hitler nihhin hi vawlei nunnak hi chiakha tuk le tukzasum in a rak a kut ah a rak hum. Ruahchan awk umlo tluk in a rak um.  Innchungkhar tha le zohkhenhnak tha a hmu lo. Australia  miphun a simi a pa hi kapa ti i vun kawhawk tha in umlo in ngaktah a rak tuar,  cu hnu Hitler kum hleikua (19) a si ahhin ai bochan ngaingai mi anu nih a thihtak than cuti’n a ngaktah buangro ning a hungfak chin len...

Laimi hi ca/holh ah thazaang kan rakchuah lotuk ti cu a tangah ka vunthlir mi Video tawite hin hmuh khawh ngai asi. Thideng mang in ca/holh a rak au pitu an um lio ah duhcerei in khua a rak sa mi zong kan tlawm lo  ti a lang. A ruang cu hi biahal nak fawi tete hmanh kan fa nau le nih an chim(phit) khawh locu Laiholh le Caa an thlau bak asi ko.  hringtu nulepa nih laiholh Laica hi biatak thlak in thazaang kan rakchuah lo ti a langhnak thlalang bantuk asi. Mati si ah zeitindah kan fa nau le hi holh le ca lei ah kar kan hlanpi hna lai? CACC ca chuah kan rel hlan ah Laica nih a kan thawt hmasa a hau. (CACC cachuah khi cu Laica duh chungin a țial kho mi le a rel kho ca deuh ah chia rih ko usih). A fawizaang mi Laituanbia tam piin chimhkhawh i zuam hna usih, kan fale nih an duhbik mi tuanbia/lenhloi kha Laiholh tein rel piakkhawh peng i zuam hna usih. Phungthlukbia chungah '' a zulhawk lam asimi kha ngakchia cu cawnpiak law a upat tikah apial tak ti lai lo''. Cu ve bantu...