-Na Ka Block Thai Ko Lai Maw-?

Rianrang ngai in phone bill ka vun rawn, *777# ka call colh. Ka ngeihchunh phaisa tein Data MB ka vun hal.  Kai ngaihtuk,  data vun on i a hramthok cem ah amah sin in ara mi cakuat zoh lai.  A sinin a lut ding cakuat zonghi kai ruahcia,  ka theihcia khi siko.  Kanngai tuk,  na dam deuh maw siloah na khuphma tah a faktuk ti maw?  ti vial hi a sin in kai ruahchih mi cakuat cu an si.  Mah cakuat ka hmuhkhin cun a faktuk mi ka khuphma zonghi a damdeuh lai zumhnak ka ngei. 

Data cu ruahchannak nganpi he ka vun on. Kai ruahchan ningbang a sinin cakuat rinthawng cu pehtlai in an  rung lut. Zeihmanh kai ngaih  lo,  newfeed zoh lai zong kai ngaih lo. Amah sinin a lut mi cakuat zoh lawng kai ngaih i ka ngangan mi an si. 

A min zawn,  cafang nak ngai in aa tial mi cu hnabeisei ngai in ka click colh.  A cakuat a tam caah a cung deuh in relding ah ka ph hmaicu tanglei ah duhsah tein ka thawn.

Duhsah in a cakuat tete cu ka rel hna.
 Kai ruahchan mi cakuat cu a rak lut nain a biafang balte an bau dih. Ka mit a mui,  ngakchia  a duh lomi rawl anu nih a pek khi bang a dolh kai herh hringhran. Ka caah a khabik siivai chia ko a hluan.

A cakuat ka reldihnak tanglei cem ah
-you can't reply to this conversation. Learn More.-
ti ai tial..
A phone number ka hmeh i a lut kho ti lo. A hlan ah pehtlainak thabik ah kan hman mi social media le MPT simcard in block ka si cang. A thinlung zongin block ka si kai fiang. 

Hi ca a tial lioah hin ai nuam hnga maw,  siloah ka nun hi a zawnruat hnga lo maw? 

Ka tlaih mi ka phone ka chiah i ka ruah mi set  i hngal loin chikhat kai din. 


-Anih cu atu hi  hawikom hmai ah a mirh kho ko lai.
-Anih cu atu hi chungkhar sinah a rawlei kaa thaw ko lai.
-Anih cu atu hi a mitkuh thaw tein ai hnglih ko lai.
-Anih cu mangthawte he a tho lengmang ko lai. 
-Anih cu atu hi a chunmang a miltlor ko lai. 
-Anih cu atu hi nuam tein a lengcang laimu.