Sihpi

A voikhatnak kan i ton ahkhan cun hawikomh thar tiin na kut kan rak tlaih, biatam kan rak ruah ngam lo kha na theih rih men lai? Kha lio ah khan cun zeitin ruah awk ka rak thei tak lo. Cucu ka voikhat tonnak asi ca zongah sikho men, asinain duhnak ai semnak hi ningzahnak in dara asi ti zong ka ruat.  Kan i theihnak zong caan zeimawzat a kal cang. Hawikom sinak pinlei ah ai rak i thup mi biafang tete an tam chin lengmang.  Kan duh maw,  kan tleihchan dah.  Hi biahalnak karlak ah kai fianglo ka lungthin. Na pawng ka um ahkhan ka thintur, um zia ka rak thiam lo. Asinain na pawngah hmunhma ngeih peng ka duh.  Cucu zeidah ka rak tlaihchan? Mawh kan phurh loh,  asinain nu pakhat ka sinak in na pawngah hmunhma khuar pengawk ka tha hnga maw? Ka khatkhat tal ah nehnang na thlata lailo maw, nangmah ta ka si hmelchunhnak ah?  Midang caah na mitzoh hi a rak thlum hnga maw?  Siloah kei caah dah a rak thlum khun hnga? Mati siah na m...

Rianrang ngai in phone bill ka vun rawn, *777# ka call colh. Ka ngeihchunh phaisa tein Data MB ka vun hal.  Kai ngaihtuk,  data vun on i a hramthok cem ah amah sin in ara mi cakuat zoh lai.  A sinin a lut ding cakuat zonghi kai ruahcia,  ka theihcia khi siko.  Kanngai tuk,  na dam deuh maw siloah na khuphma tah a faktuk ti maw?  ti vial hi a sin in kai ruahchih mi cakuat cu an si.  Mah cakuat ka hmuhkhin cun a faktuk mi ka khuphma zonghi a damdeuh lai zumhnak ka ngei.  Data cu ruahchannak nganpi he ka vun on. Kai ruahchan ningbang a sinin cakuat rinthawng cu pehtlai in an  rung lut. Zeihmanh kai ngaih  lo,  newfeed zoh lai zong kai ngaih lo. Amah sinin a lut mi cakuat zoh lawng kai ngaih i ka ngangan mi an si.  A min zawn,  cafang nak ngai in aa tial mi cu hnabeisei ngai in ka click colh.  A cakuat a tam caah a cung deuh in relding ah ka ph hmaicu tanglei ah duhsah tein ka thawn. Duhsah in a cakuat tete cu ...