Rili Cung A Tla Mi Dapti(Lenhloi)

Duhnak nih hawikom le kom lo a raktuak tanhrim lo, cu ruangah duhnak hi a palh kan ti kho maw? Nizaan cu a liam i thaizing zong a liam rihlai cutin' kumkhat-kumhnih zong an liamte lai, khitik ah kan duhnak hna hi nai fiangte hnga maw? Asiloah kan duhnak hi dah leidai ah kai ciamhpi te ko hnga? Akum cun kumpi kumli a liam cang nain ka philhkhawh lomi senri par na si... Cuticun hi Diary cahmai cungah phiatkhawh lomi cahang in na min țial a rak si.

Ka chuahka,'' duhnak timi ka rak theih(ngeih) thokin Cerku cu ka rak duhdawt hmasa bik mi arak si, (a fawinak cun ka ngeih mi duhnak Original asin ah ka rak chiah hmasa bik) Cerku cu ka duh hmasa bik mi asi bang asinah caan tampi cu duhdawtnak biachim phuan dingin timhtuahnak ka rak ngei tawn. Sihmanhsehlaw thinlung nih aitinh mi paoh a rak tuah ngam lo zia" a ruah mi paoh a rak si khawh lo zia. Hi zatzat ka duhnak sullam hna cafang in hrilhfianh cawk si lai lo, hmurka zong nih chimphuan khawh cawkding asi lomi ka duhnak ka phuan ngam lo hi ka sining kai rak i zah pi tuk bia asi ko. Cu lawnghlah" a ruang purhdah awk tampi a um rih' ziah Cerku sinah hin dawtnak bia ka rak phuan ngam ve hrim lo? A ruang tampi a um" cu a ruang tampi mi lak ah pakhat cu duhnak pakhat lawngin eibaar a chuak kho lo. Keimah nih cun nunnak thap ngam ding tiangin ka rak duh ko, hmanhseh Cerku thinlungah a rak um i hram a rak sih mi Lian Lian cu ka laangkho hrim lai lo ticu Pa pakhat ka si ko nain ruahnak talh chih lo awk tha lo asi. Lian Lian hi kanmah țhi rual ahcun a mui in siseh fimthiamnak lei zongin ai zaat pinah kan khua ahcun an mah timi chung pakhat an si. Cucaah Lian Lian nih a duhmi nu paoh cu an luat lo hrimhrim. Cu i keimah te nih Cerku ka duh ve hi khuaruah hartuk awk asi lo- duhnak cu a mit a caw ti teh asi kha. Cu ruang ahcun silai Cerku zong nih Lian Lian a duh veko ti ka theih ko bu ah Cerku ka duhnak thinlung ka tthumh(thul) khawh lo hi, duhnak hi a mit a rak caw taktak ko ti cu hohmanh nih kan el kho cio lai lo. Cu ruangah si lai  a mit a cawt caah a ral zong a chia phah ti awk in. Cerku nih a tumval ka silo ti i hngalh ko bu ah ziah tuar in khawhnak thazaang ka ngeih lo. Cucu keimah maw palh a duhtu ka thinlung dah?

Lian Lian nih Cerku a duh ve hi ka theih ko, Cerku nih Lian Lian a duh ve  zong ka hngalh ko. A ruangcu hawikom te kan si hna caah an kaa cun kan sinah chimphuang hna hlah hmanhseh an umtu hoihar(an tuahser nak) nih kan hmaika fiang ngai in Video bang a vun piah tawn. Cu lawng sirih lo an thinlung cu i hmuhthiam hamnh hna seh duhnak bia an i chim rih lo ti cu an mit au in hnvalhkhawh an si. Cucu ka theihtuk komi ah Cerku sinah ruahchannak a um rih mi hi khuaruah har ngai awk asi. Duhnak hi a mak le a mak taktak ko." Kha lio ah sualphawt awk ka rak hngalh lomi ka thinlung atu ahcun ka duhnak ka thinlung hna kha sual ka phawt cang.

Lian Lian nih Cerku sinah duhdawtnak bia a phuang rih lo ti ka hngalh caah ruahchannak a um rih zonghi asi kho. Cucaah Cerku sinah duhdawtnak bia phuan dinghi voitam pi timhtuahnak ka rak ngei ko hmanhseh santlai lo ka si ruangah le hawi a tluk lomi ka nunnak , ka sining hna rak i zahpi in ka rak i sum tawn. Cerku nih hin teh ka duhnak hi a pelte tal a thei ve hnga maw? A theih ko lai" a tuangcu ka umtu hoihar nih a piah pinah hawikom sinah ka duhnak hna voitlawm lo cu ka chim peng. .... Zaan tampi cu i hnglih kho loin ka mitthli a rak tla. Ka hnakruh ah ka hal hmasa bik mi cu Cerku hi asi- sihmanhsehlaw a mah nihcun a rak thei lo. Duhnak ruangah ka mitthli a tlakter hmasa bik tu zong asi. Cubantuk in mitthli hna hi a theithiam tu caah cun man a rak ngeituk ve ko lai nain kei ka mitthli cu man a ngei lomi Rili Cung A Tla Dapti men an rak si.

Zing
Zaan
Hi zatzat harnak lak ah
A ho dah mitthli he hmai nor kho peng lai.